ភ្នំពេញ៖មុខរបរមួយដែលចេះផលិតឫដំឡើងបង្កើតជាដ្រូនសម្រាប់បង្ហោះបម្រើឱ្យការងារកសិកម្មមិនមែនការងារសាមញ្ញងាយធ្វើនោះទេ។វាទាមទារការសិក្សាជំនាញបច្ចេកទេសមួយច្បាស់លាស់ថ្វីត្បឹតតែឧបករណ៍ដ្រូនកើតមានស្រាប់តាមរយៈការនាំចូលពីប្រទេសក្រៅហើយក៏ដោយ។ ជួបលោកឡេងសុខលីដែលមានវ័យជាង៤០ឆ្នាំនៅឯម្តុំផ្សារឈូកមាសសង្កាត់ភ្នំពេញថ្មីដែលជាអ្នកស្ថាបនិកដ្រូនកសិកម្មតាំងពីឆ្នាំ២០១៩បានប្រាប់ត្រួសៗឱ្យរស្មីកម្ពុជាដឹងថាៈឧបករណ៍ដ្រូនកសិកម្មនេះមានតួរនាទីដឹកជញ្ជូនថ្នាំកសិកម្មនិងជីគីមីលាយជាមួយទឹកហើយស្រេចសម្រាប់ហោះបាញ់ស្រោចដំណាំកសិកម្មគ្រប់ប្រភេទជំនួសឱ្យការប្រើកម្លាំងពលកម្មមនុស្សដើរបាញ់ឫបាចជីគីមីដោយដៃដែលជួបការលំបាកខ្លាំង។ លោកសុខលីបានប្រាប់ថាៈក្នុងដ្រូនមួយគ្រឿងអាចមានសមត្ថភាពដាក់ថ្នាំកសិកម្មឫជីគីមីលាយជាមួយទឹកហើយបាន១៣លីត្រហោះស្រោចដំណាំបាន១ហិកតា។មួយថ្ងៃផលិតបានដ្រូន២គ្រឿងដែលមានក្រុមបច្ចេកទេសមួយក្រុមជាអ្នកដំឡើង។លក់១គ្រឿងថ្លៃ១២.០០០ដុល្លារ។ លោកសុខលីថាមុខរបរផលិតដ្រូនកសិកម្មនេះបានទទួលច្បាប់អនុញ្ញាតពីក្រសួងពាណិជ្ជកម្មតែមិនទាន់បានដឹងឮពីក្រសួងកសិកម្មរុក្ខាប្រម៉ាញ់និងនេសាទនៅឡើយទេមកដល់ពេលនេះ។ដ្រូនកសិកម្មនេះត្រូវបានដំឡើងឡើងតាមរយៈនាំចូលឧបកររណ៍ពីប្រទេសចិន។វាមានសមត្ថភាពអាចស្រោចថែទាំដំណាំគ្រប់ប្រភេទបាន៤៥ហិកតាក្នង១ថ្ងៃ។ ដោយនិយាយត្អូញត្អែរពីការតស៊ូសិក្សាស្រាវជ្រាវលើកដំបូងអស់ទុនច្រើនស្ទើរតែអស់ខោខ្លីលោកសុខលីបានបញ្ជាក់ថាៈមកដល់ពេលនេះគាត់សម្រេចលក់បានជាង១០គ្រឿងហើយ។គេនៅតែបន្តកុម្ម៉ង់ទិញយកទៅប្រើថែមទៀតនៅតាមខេត្តនានា។សូម្បីតែអង្គភាពកសិកម្មក៏ទិញដ្រូននេះមួយគ្រឿងយកទៅប្រើដែរជាដ្រូនបញ្ជាដោយប្រើថ្មពិល។ នេះជាមុខរបរមួយបម្រើឱ្យវិស័យកសិកម្មលើការងាយស្រួលថែទាំដំណាំកសិកម្មគ្រប់ប្រភេទតាមបែបការប្រើបច្ចេកវិទ្យាទំនើបមិនបាច់នាំចូលពីប្រទេសក្រៅ៕ជ.ជឿន
