ព័ត៌មានជាតិ

ខេត្តព្រះវិហារ​ផ្លាស់ប្តូរ​ប្រធាន​មន្ទីរ​បរិស្ថាន​និង​ផ្ទេរ​ភារកិច្ច​ថ្មី

ខេត្តព្រះវិហារ​៖​ពិធី​ប្រកាស​តែងតាំង​ប្រធាន​មន្ទីរ​បរិស្ថាន​ថ្មី​នៃ​ខេត្តព្រះវិហារ​លោក​សុង​ច័ន្ទ​សុជាតិ​ត្រូវបាន​ចូលកាន់​តំណែង​នៅ​ព្រឹក​ថ្ងៃទី​២៨​ខែធ្នូ​ឆ្នាំ​២០២០​នេះ​ជំនួស​លោក​អ៊ា​សុខា​ដែល​ត្រូវបាន​ផ្ទេរ​ភារកិច្ច​ទៅ​បម្រើការ​នៅ​ក្រសួងបរិស្ថាន​។


​ពិធី​នេះ​ប្រារ​ព​ធ្វើឡើង​ក្រោម​វត្តមាន​លោក​សូ​ខន​ឫទ្ធី​គុណ​រដ្ឋលេខាធិការ​ក្រសួងបរិស្ថាន​តំណាង​លោក​សាយ សំ​អាល់ រដ្ឋមន្ត្រី​ក្រសួងបរិស្ថាន​,​លោក ឡុង សុវណ្ណ ប្រធាន​ក្រុមប្រឹក្សា​ខេត្តព្រះវិហារ​,​លោក​ប្រាក់​សុវណ្ណ អភិបាលខេត្ត​ព្រះវិហារ​ដោយមាន​ការចូលរួម​ពី​ថ្នាក់ដឹកនាំ​ខេត្ត​មន្ត្រីរាជការ​តាម​មន្ទីរ​អង្គភាព​,​អភិបាលស្រុក​,​ក្រុង ជាច្រើនរូប​។​


​លោក​សូ​ខន​ឫទ្ធី​គុណ​រដ្ឋលេខាធិការ​ក្រសួងបរិស្ថាន​បាន​ថ្លែងថា​៖​ក្នុងនាម​ក្រសួងបរិស្ថាន​សូម​លោក​,​លោកស្រី​ជា​ថ្នាក់ដឹកនាំ​មន្ទីរ​បរិស្ថាន​ក៏ដូចជា​មន្ត្រី​បរិស្ថាន​ដែល​បានតែងតាំង​ថ្មី​ហើយ​ប្រកាស​ឱ្យចូល​កាន់​មុខតំណែង​នៅថ្ងៃនេះ​។​គឺ​ត្រូវខិតខំ​អនុវត្តន៍​តួនាទី​ភារកិច្ច​របស់ខ្លួន​ឱ្យ​កាន់តែ​ទទួលបាន​លទ្ធផល​ល្អប្រសើរ​ថែមទៀត​។​


​ក្នុង​រយៈពេល​ជាង​២​ទស្ស​វត្ត​ន៍​កន្លងមកនេះ​ប្រទេស​កម្ពុ​ជាមាន​សុខសន្តិភាព​ពេញលេញ​មាន​ស្ថិរភាព​នយោបាយ​ល្អប្រសើរ​តាមរយៈ​ការអនុវត្តន៍​គោលនយោបាយ​ឈ្នះ​-​ឈ្នះ​ក្រោម​មាគ៌ា​ដឹកនាំ​ដ៏​ត្រឹមត្រូវ​នៃ​រាជរដ្ឋាភិបាល​កម្ពុជា​។​ក្រោម​ការដឹកនាំ​របស់​សម្តេច​តេ​ជោ​ហ៊ុនសែន​នាយករដ្ឋមន្ត្រី​បានធ្វើឱ្យ​កម្ពុជា​ជម្នះ​បានការ​លំបាក​គ្រប់គ្រង​បាន​ទាំង​ស្ថានភាព​នយោបាយ​សេដ្ឋកិច្ច​និង​សង្គម​។​ជាពិសេស​ទប់ទល់​បាន​នូវ​ការឆ្លង​រាលដាល​នៃ​ជំងឺ​កូ​វីដ​-១៩​។​


​លោក​ប្រាក់​សុវណ្ណ​អភិបាលខេត្ត​ព្រះវិហារ​បា​ន​ណែ​នាំឱ្យ​ប្រធាន​មន្ទីរ​បរិស្ថាន​ថ្មី​ត្រូវ​ពង្រឹងស្មារតី​សាមគ្គីភាព​ឯកភាព​ផ្ទៃក្នុង​ឱ្យបាន​ល្អ​ចូលរួមចំណែក​ឱ្យបាន​សកម្ម​ក្នុងការ​អនុវត្តន៍​គោលនយោបាយ​វិមជ្ឈការ​និង​សហវិមជ្ឈការ​ក្នុងការ​អនុវត្តន៍​នៅ​រដ្ឋបាល​ថ្នាក់ក្រោម​ជាតិ​៕​​

 

cbn

Leave a Reply

Your email address will not be published. Required fields are marked *