ព័ត៌មានជាតិ

​មេបញ្ជាការ​ង​កងទ័ព​ជើងគោក​ចុះ​ពិនិត្យ​ទីតាំង​ត្រៀម​ធ្វើ​មណ្ឌល​ច​ត្តា​ឡី​ស័ក​នៅតាម​បណ្តា​អង្គភាព

ខេត្តព្រះវិហារ​៖​កាលពី​ថ្ងៃទី​២៣​ខែធ្នូ​ឆ្នាំ​២០២០​លោក​ឩ​ត្ត​ម​សេនីយ៍​ឯក​ស្រី​ឌឹ​ក​មេបញ្ជាការ​ង​កងទ័ព​ជើងគោក​,​មេបញ្ជាការ​កងពលធំ​អន្តរា​គម​ន៏​លេខ​៣​។​រួម​ដំណើរ​ដោយ​មន្ត្រីក្រោមឱវាទ​ជាច្រើនរូប​បាន​អញ្ជើញ​ចុះ​ពិនិត្យ​ទីតាំង​នឹង​អគារ​នៅតាម​បណ្តា​អង្គភាព​កង​ពូ​ល​តូច​ទាំង​៣​ចំណុះ​កងពលធំ​អន្តរា​គម​ន៏​លេខ​៣​។​ក្នុងនោះ​រួមមាន​កងពលតូច​អន្តរា​គម​ន៏​លេខ​៧​លេខ​៨​និង​លេខ​៩​ដើម្បី​ត្រៀម​បម្រុង​ទុក​ធ្វើជា​មណ្ឌល​ច​ត្តា​ឡី​ស័ក​បង្កា​ទប់ស្កាត់​ជំងឺ​កូ​វីដ​១៩​។​

​ឱកាស​នោះ​លោក​ឧ​ត្ត​ម​សេនីយ៍​ឯក​មេបញ្ជាការ​មានប្រសាសន៍​ណែនាំ​ទៅដល់​នាយ​និង​ពល​ទា​ហ៊ាន​ដោយ​ធ្វើយ៉ាងណា​ត្រូវ​ចូលរួម​បោសសម្អាត​និង​អនាម័យ​ទីធ្លា​ក្នុង​បរិវេណ​អគារ​ដែល​ត្រូវ​ត្រៀម​បម្រុង​ទាំង​ប៉ុន្មាន​ដែលមាន​ស្រាប់​ឱ្យបាន​ស្អាត​។​រៀបចំ​ឱ្យមាន​គ្រែ​ក្នុង​បន្ទប់​អគារ​និ​មួយៗ​ឱ្យមាន​គម្លាត​ចេញ​២​គ្នា​បាន​យ៉ាងតិច​១​ម៉ែត​កន្លះ​ទៅតាម​កា​ណែនាំ​របស់​ក្រសួងសុខាភិបាល​កម្ពុជា​។​

​លោក​ឧ​ត្ត​ម​សេនីយ៍​ឯក​បាន​បន្តថាៈ​បន្ទប់ទឹក​ស​ង្ក្រា​ន​និង​ផ្ទះបាយ​ជាពិសេស​ប្រភពទឹក​ស្អាត​សម្រាប់​ទុកជា​ការប្រើប្រាស់​ប្រចាំថ្ងៃ​។​ព្រោះ​វា​ជា​កត្តាចាំបាច់​បំផុត​ដោយ​មិនអាច​នឹង​ធ្វេសប្រហែស​បានឡើយ​។​ឯ​បញ្ហា​ភ្លើង​ក៏​វា​មាន​សារៈសំខាន់​ដែរ​សម្រាប់​ការបំភ្លឺ​។

​លោក​មេញ្ជា​ការ​ក៏បាន​ណែនាំ​ដល់​ថ្នាក់ដឹកនាំ​នៃ​បណ្តា​កងកម្លាំង​នៅតាម​បណ្តា​អង្គភាព​និ​មួយៗ​ត្រូវ​ចូលរួម​សហការ​ឱ្យបាន​ជាប់​ជាប្រចាំ​ជាមួយនឹង​អាជ្ញាធរ​ពាក់​ព័​ន្វ​ជាមួយនិង​ប្រជាពលរដ្ឋ​ដែល​ពួកគាត់​បាន​ចំណាកស្រុក​ទៅរក​កា​ងា​ធ្វើ​នៅឯ​ប្រទេស​ថៃ​។​

បច្ចុប្បន្ន​ប្រទេស​ថៃ​កំពុងតែ​ផ្ទុះ​ជំងឺ​កូ​វីដ​១៩​នេះ​ចឹ​ង​ហើយ​នៅពេលណា​ដែលមាន​ប្រជាពលរដ្ឋ​យើង​ត្រឡប់​មកពី​ប្រទេស​ថៃ​វិញ​ត្រូវ​អញ្ជើញ​ពួកគាត់​ធ្វើ​ច​ត្តា​ឡី​ស័ក​ជាមុន​អោយបាន​១៤​ថ្ងៃ​ទៅតាម​កា​ណែនាំ​របស់​ក្រសួងសុខាភិបាល​រួច​ទើប​អនុ​ញ្ញា​ត្ត​ឱ្យ​ពួកគាត់​ទៅ​ជួបជុំ​គ្រួសារ​របស់​ពួកគាត់​៕

cbn

Leave a Reply

Your email address will not be published. Required fields are marked *