ព័ត៌មានជាតិ

សម្តេចតេជោ​ហ៊ុន សែនអញ្ជើញទទួលវ៉ា​ក់សាំ​ងជំនួយរប​ស់ជប៉ុន​​នៅអាកាសយា​នដ្ឋានអន្តរ​ជាតិភ្នំពេញ

នៅរាត្រី ថ្ងៃសុក្រ ១៤កើត ខែទុតិយាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២៣ ខែកក្កដា ឆ្នាំ២០២១នះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញទៅទទួលដោយផ្ទាល់នូវការមកដល់ វ៉ាក់សាំងជំងឺកូវីដ១៩ ដែលជាជំនួយរបស់រដ្ឋាភិបាល និងប្រជាជនជប៉ុន នៅអាកាសយានដ្ឋានអន្តរជាតិភ្នំពេញ។រដ្ឋាភិបាលជប៉ុន កាលពីថ្ងៃទី១៣ ខែកក្កដា កន្លងទៅនេះ បានប្រកាសផ្តល់វ៉ាក់សាំងប្រឆាំងជំងឺកូវីដ១៩ អាស្ត្រាហ្សេនីកា (AstraZeneca) ចំនួន ១លានដូស ដល់រាជរដ្ឋាភិបាល និងប្រជាជនកម្ពុជា ហើយនៅរាត្រីនេះ វ៉ាក់សាំងជំនួយរបស់ជប៉ុន ដែលដឹកមកកម្ពុជានាពេលនេះ មានចំនួន ៣៣ម៉ឺនដូស ហើយចំនួននៅសល់នឹងដឹកមកជាបន្តបន្ទាប់ទៀត។ ឯកឧត្តម មិកាមិ ម៉ាសាហ៉ីរ៉ូ ( MIKAMI Masahiro ) ឯកអគ្គរាជទូតជប៉ុនប្រចាំនៅកម្ពុជា បានថ្លែងថាការផ្ដល់ជំនួយវ៉ាក់សាំងចំនួន ១លានដូស នេះធ្វើឡើងស្របតាមចំណងមិត្តភាពរវាង ជប៉ុន និងកម្ពុជា និងដោយផ្អែកលើស្ថានភាពកូវីដ១៩ នៅកម្ពុជានាពេលបច្ចុប្បន្ន។ ឯកឧត្តម បានបង្ហាញក្តីសង្ឃឹមថា ជំនួយវ៉ាក់សាំងនេះ […]

ព័ត៌មានជាតិ

សម្តេចហ៊ុនសែ​​​ន​៖​ទោះតម្លៃណាក៏ដោយ​នឹ​ងតាំ​​ងចិ​​ត្តរកវ៉ាក់​សាំង​បង្ការជំងឺកូវីដ១៩​ដើម្បីចាក់ជូនប្រជា​ពលរដ្ឋ

ប្រមុខរដ្ឋាភិបាលកម្ពុជាសម្តេចហ៊ុនសែនថ្លែ​ក្នុងឱកាសទទួលជំនួយវ៉ាក់សាំងបង្ការជំងឺកូវីដ១៩​របស់ប្រទេស​ជប៉ុននាយប់ថ្ងៃទី២៣កក្កដាបាន​ប្តេជ្ញា​ចាក់​វ៉ាក់សាំង​កូវីដ១៩​​អោយ​ពលរដ្ឋ​។ទោះបី​ក្នុង​តម្លៃ​ណា​ក៏​ដោយ​ចុះ​ដើម្បី​បង្កើន​ភាព​ស៊ាំ​នៅ​ក្នុង​សង្គម​ទប់ទល់​ជាមួយ​នឹង​ជំងឺ​កូវីដ១៩​។ ​សម្តេចហ៊ុនសែន​អះអាង​ទៀត​ថា​ខ្លួន​មាន​គោលដៅ​ចាក់​វ៉ាក់សាំង​ដល់​ពលរដ្ឋ​ឲ្យ​បាន​១៣​លាន​នាក់​ឬ​ស្មើជាង​ ​៨០%​នៃ​ចំនួន​ប្រជាជន​កម្ពុជា​សរុប​ ជា​ចំនួនលើសពីផែនការចាក់វ៉ាក់សាំងបច្ចុប្បន្នដែលមានត្រឹម១០លាននាក់។ក្នុងឱកាសនោះផងដែរសម្តេចបាន​ប្រកាសថាទោះតម្លៃណាក៏ដោយខ្លួន​នឹងតាំងចិត្តរកវ៉ាក់សាំងបង្ការជំងឺកូវីដ១៩ ដើម្បីចាក់ជូនប្រជាពលរដ្ឋដែលដល់អាយុត្រូវចាក់ហើយដែលគ្រូ​ពេទ្យអនុញ្ញាតអោយ​ចាក់។សម្តេច ហ៊ុន សែន បានលើកឡើងថា រដ្ឋាភិបាល​កំពុង​មានគោលដៅចាក់វ៉ាក់សាំងដល់ពលរដ្ឋអោយ​បាន១៣លាននាក់ឬស្មើជាង៨១.២៥​% នៃចំនួនប្រជាជនកម្ពុជា​សរុប។ ចំនួននេះ ជាចំនួនលើសពីផែនការបច្ចុប្បន្នសម្រាប់​ពលរដ្ឋ​១០លាននាក់ ដែល​គិតមកត្រឹមពេលនេះ ​ការចាក់នៅ​ទូទាំងប្រទេស សម្រេចបាន​ជាង​៦.៥លាន​នាក់ឬស្មើនឹង​៦៤.៥៥%។ ជាងនេះទៅទៀតនោះសម្តេចហ៊ុន សែនក៏បានបន្ថែមថាផែនការ​​​​ចាក់វ៉ាក់សាំងដល់​ពលរដ្ឋវ័យជំទង់អាយុ​ចាប់ពី១២ដល់​១៧ឆ្នាំ ​ចាប់ពីថ្ងៃទី​១សីហា តទៅផងដែរ។ ក៏ប៉ុន្តែគេនៅមិនទាន់ដឹងទេថាតើនឹងត្រូវ​ចាប់ផ្តើមចាក់ដោយប្រើប្រាស់វ៉ាក់សាំងប្រភេទណានោះទេ។​រហូតដល់ថ្ងៃទី២៤កក្កដា​២០២១​យើងរកឃើញករណីជំងឺកូវីដ-១៩​សរុបចំនួន​៨៦០នាក់​(ឆ្លងសហគមន៍​​៤៦៥និង​នាំចូល៣៩៥)និងមានជាសះស្បើយ​១០៧៤នាក់។ដូច្នេះចំនួនករណីជំងឺកូវីដ-១៩សរុប​កើន​៧២១០៤នាក់​​​​​​​​​​​​​​និងចំនួនជាសះស្បើយសរុប​កើន៦៤៥៤៨នាក់​​​​​​​​​​​​​​​​​និងស្លាប់ថ្មី​៣២នាក់​សរុប​ស្លាប់១២៥៤នាក់ ។ សូមបន្តអនុវត្តន៍៣កុំ៣ការពារនិងចាក់វ៉ាក់សាំងការពារ​។សូមបញ្ជាក់ថា​ប្រទេសយើងរកឃើញករណីជំងឺកូវីដ-១៩ដំបូងបំផុតនៅថ្ងៃទី​ ២៧​ មករា​ ២០២០​ ៕

ព័ត៌មានជាតិ

អភិបាលខេត្តកំពង់ចាម អញ្ជើញទទួលអំណោយជាពីសប្បុរសជន ជួយក្នុងយុទ្ធនាការប្រយុទ្ធនឹងជំងឺកូវីដ-១៩ ក្នុងព្រឹត្តិការណ៍សហគមន៍ ២០ កុម្ភៈ

កំពង់ចាម៖នៅព្រឹកថ្ងៃទី២២ ខែកក្តដា ឆ្នាំ២០២១នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធនឹងជំងឺកូវីដ-១៩ និងឯកឧត្តម លោកជំទាវអភិបាលខេត្ត អញ្ជើញទទួលអំណោយជាពីសប្បុរសជន ជួយក្នុងយុទ្ធនាការប្រយុទ្ធនឹងជំងឺកូវីដ-១៩ ក្នុងព្រឹត្តិការណ៍សហគមន៍ ២០ កុម្ភៈ។ ក្នុងឱកាសនោះ ឯកឧត្តម អ៊ុន ចាន់ដា អភិបាលខេត្ត និងជាប្រធានគណៈកម្មការខេត្តប្រយុទ្ធនឹងជំងឺកូវីដ-១៩ បានថ្លែងអំណរគុណយ៉ាងជ្រាលជ្រៅចំពោះសប្បុរសជននានា ដែលបានបរិច្ចាគថវិកាផ្ទាល់ខ្លួន រួមនឹងបរិក្ខារពេទ្យ ជូនមកគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ ដើម្បីបម្រើឱ្យការងារប្រយុទ្ធនឹងជំងឺកូវីដ-១៩ ក្នុងខេត្តកំពង់ចាម ខណៈដែលជំងឺនេះកំពុងតែមានឆ្លងរីករាលនៅតាមសហគមន៍ក្នុងខេត្តកំពង់ចាម ទាក់ទង់នឹងព្រឹត្តការណ៍សហគមន៍២០-កុម្ភៈ។ ឯកឧត្តមអភិបាលខេត្ត បានមានប្រសាសន៍ថា អំណោយមនុស្សធម៌នាពេលនេះ គឺពិតជាបានចូលរួមចំណែកយ៉ាងធំធេងជាមួយរដ្ឋបាលខេត្តកំពង់ចាម ក្នុងការចូលរួមប្រយុទ្ធនឹងការឆ្លងរាតត្បាតនៃជំងឺកូវីដ-១៩ ក្នុងក្របខណ្ឌខេត្ត និងជាឆ្លើយតបទៅនឹងស្ថានភាពបច្ចុប្បន្ន ស្របពេលដែលមេរោគដ៏កំណាចនេះ កំពុងគម្រាមកំហែងយ៉ាងធ្ងន់ធ្ងរដល់សេដ្ឋកិច្ច និងអាយុជីវិតរបស់ប្រជាពលរដ្ឋកម្ពុជា នៅក្នុងសហគមន៍ក៏ដូចជាប្រជាពលរដ្ឋនៅក្នុងពិភពលោកជារៀងរាល់ថ្ងៃផងដែរ។ អំណោយដែលរដ្ឋបាលខេត្តទទួលបាននាពេលនេះ រួមមាន៖ ១- លោក លី គឹមឆេង និងលោកស្រី សៀង ហ៊ួង ឧបត្ថម្ភ តេស្តរហ័សចំនួន ១,១១១ ដើម និងម៉ាសចំនួន ៧.៥០០ […]

ព័ត៌មានជាតិ

អាជ្ញាធរខេត្តកំពង់ចាម អញ្ជើញចុះជួបសំណះសំណាល និងនាំយកអំណោយរបស់រដ្ឋបាលខេត្ត ចែកជូនប្រជាពលរដ្ឋមានជីវភាពខ្វះខាតក្នុងអំឡុងពេលនៃការឆ្លងរីករាលដាលជំងឺកូវីដ-១៩

កំពង់ចាម៖នៅព្រឹកថ្ងៃទី២២ ខែកក្កដា ឆ្នាំ២០២១ ឯកឧត្ដម អ៊ុភឿន គុណវុឌ្ឍ អភិបាលរងខេត្ត ជាតំណាងឯកឧត្ដម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធនឹងជំងឺកូវីដ-១៩ រួមជាមួយអាជ្ញាធរមូលដ្ឋាន បានអញ្ជើញចុះជួបសំណះសំណាល និងនាំយកអំណោយរបស់រដ្ឋបាលខេត្ត ចែកជូនប្រជាពលរដ្ឋមានជីវភាពខ្វះខាតក្នុងអំឡុងពេលនៃការឆ្លងរីករាលដាលជំងឺកូវីដ-១៩ ដែលកំពុងធ្វើចត្តាឡីស័កនៅតាមផ្ទះ ក្នុងឃុំសូទិប ស្រុកជើងព្រៃ ចំនួន៣០គ្រួសារ។   ឯកឧត្តម អ៊ុភឿន គុណវុឌ្ឍ អភិបាលរងខេត្ត បានពាំនាំប្រសាសន៍ផ្ដាំផ្ញើការសាកសួរសុខទុក្ខពីសំណាក់ឯកឧត្តម អ៊ុន ចាន់ដា អភិបាលខេត្តកំពង់ចាម ជូនបងប្អូនប្រជាពលរដ្ឋដែលកំពុងជួបការលំបាកដោយសារអំឡុងពេលរីករាលដាលនៃជំងឺកូវីដ-១៩ ដែលជានិច្ចកាល ឯកឧត្តម អភិបាលខេត្តតែងតែយកចិត្តទុកដាក់ចំពោះបងប្អូនដែលកំពុងមានការខ្វះខាត ក្នុងអំឡុងពេលដែលជំងឺកូវីដ-១៩ កំពុងតែរីករាលដាល ក្នុងព្រឹត្តិការណ៍សហគមន៍ ២០-កុម្ភៈ។   ឆ្លៀតក្នុងឱកាសនោះ ឯកឧត្តមអភិបាលរងខេត្ត ក៏បានអំពាវនាវដល់បងប្អូនប្រជាពលរដ្ឋ បងប្អូនក៏ត្រូវបង្កើនការការពារ ប្រុងប្រយ័ត្នថែមទៀត តាមការណែនាំរបស់ក្រសួងសុខាភិបាល នូវវិធានការពារ «៣ការពារ និង ៣កុំ» ជាពិសេស អនុវត្តការពាក់ម៉ាស់ ការលាងសម្អាតដៃ ការរក្សាគម្លាតសុវត្តិភាពបុគ្គល និងគម្លាតសង្គម ដើម្បីកាត់ផ្តាច់ខ្សែចម្លងជម្ងឺដ៏កាចសហាវមួយនោះ នៅក្នុងសហគមន៍កម្ពុជាយើង […]

ព័ត៌មានជាតិ

ថ្នាក់ដឹកនាំខេត្តកណ្ដាល អញ្ជើញអមដំណើរឯកអគ្គរដ្ឋទូតសិង្ហបុរីប្រចាំនៅព្រះរាជាណាចក្រកម្ពុជា អញ្ជើញទស្សនៈកិច្ច និងស្វែងយល់អំពីសិប្បកម្មចម្លាក់ ប្រាក់ ស្ពាន់ នៅភូមិកោះចិន

ខេត្តកណ្ដាល៖ ឯកអគ្គរដ្ឋទូតសិង្ហបុរីប្រចាំនៅព្រះរាជាណាចក្រកម្ពុជា លោកជំទាវ ត្យូ ឡេឆេង និងឯកឧត្តម តាំង ម៉េងលាន អភិបាលរងខេត្តកណ្តាល ព្រមទាំងមន្ទីរពាក់ព័ន្ធ និងអាជ្ញាធរស្រុកពញាឮ កាលពីរសៀលថ្ងៃទី២១ ខែកក្កដា ឆ្នាំ២០២១ បានអញ្ជើញមកទស្សនៈកិច្ច និងស្វែងយល់អំពីសិប្បកម្ម ចម្លាក់ ប្រាក់ ស្ពាន់ នៅមជ្ឈមណ្ឌលសិប្បកម្មកោះចិន ដែលមានទីតាំងស្ថិតនៅក្នុងភូមិកោះចិន ឃុំកោះចិន ស្រុកពញាឮ ខេត្តកណ្តាល ។   ក្នុងដំណើរទស្សនកិច្ចនេះ លោកជំទាវ ត្យូ ឡេឆេង បានសម្តែងនូវការរីករាយ នៅពេលបានមកដល់ភូមិនេះ ឃើញអ្នកភូមិចេះបង្កើតស្នាដៃចម្លាក់លើ ប្រាក់ ស្ពាន់ និងលោហៈផ្សេងៗ ដោយប្រើដៃបានយ៉ាងស្ទាត់ជំនាញ និងស្រស់ស្អាត ព្រមទាំងបានថ្លែងអំណរគុណយ៉ាងជ្រាលជ្រៅជាទីបំផុតដល់ថ្នាក់ដឹកនាំខេត្ត ក៏ដូចជាអាជ្ញាធរស្រុក ដែលបានឆ្លៀតពេលវេលាដ៏មមារញឹកដឹកនាំក្រុមការងារចុះមកទស្សនៈកិច្ចពិនិត្យទីតាំងជាក់ស្តែង និងបានទទួលស្វាគមន៍ប្រកបដោយភាពកក់ក្តៅ ដែលបញ្ជាក់ថា កម្ពុជា-សិង្ហបុរី គឺមានទំនាក់ទំនង និងកិច្ចសហប្រតិបត្តិការល្អ ក្នុងនោះរួមទាំងវិស័យសេដ្ឋកិច្ច ពាណិជ្ជកម្ម វិនិយោគ បច្ចេកទេស និងវិស័យអភិវឌ្ឍន៍ធនធានមនុស្ស។   លោកជំទាវបានបញ្ជាក់ថា ក្នុងការដំណើរទស្សនៈកិច្ចនេះ គឺលោកជំទាវ […]

ព័ត៌មានជាតិ

រដ្ឋបាលខេត្តសៀមរាប ៖ ជនជាតិបរទេសដែលរស់នៅក្នុងខេត្តសៀមរាបទទួលបានចាក់វ៉ាក់សាំងការពារជំងឺកូវី-១៩ដោយឥតគិតថ្លៃចាប់ពីថ្ងៃទី២០ ដល់ថ្ងៃទី២៣ ខែកក្កដា ឆ្នាំ២០២១

ថ្ងៃទី២០ ខែកក្កដា ឆ្នាំ២០២១នេះ គឺជាយុទ្ធនាការចាក់វ៉ាក់សាំងការពារជំងឺកូវីដ-១៩ ដូសទី១ ជូនដល់ជនបរទេសទាំងអស់ដែលកំពុងស្នាក់នៅ និងកំពុងបំពេញការងារក្នុងខេត្តសៀមរាបហើយ ដែលប្រព្រឹត្តទៅនៅក្នុងបរិវេណមន្ទីរពេទ្យបង្អែកខេត្តសៀមរាប ដោយមិនគិតថ្លៃគ្រប់ៗគ្នា។   ក្នុងនាមរដ្ឋបាលខេត្តសៀមរាប បានជម្រាបថា អនុវត្តតាមសេចក្តីជូនដំណឹងរបស់រដ្ឋបាលខេត្តសៀមរាប ស្តីពីការចាក់វ៉ាក់សាំងការពារជំងឺកូវីដ-១៩ ជូនដល់ជនបរទេសក្នុងខេត្តសៀមរាបនោះ គឺផ្តល់ជូនដល់តែចំពោះជនបរទេសណា ដែលបានធ្វើសំណើមកកាន់រដ្ឋបាលខេត្តសៀមរាបនារយៈពេលកន្លងមក ដែលមានចំនួនប្រមាណជាង២ពាន់នាក់ ពិសេសគឺធ្វើឡើងតាមគោលការណ៍មិនគិតថ្លៃ និង ស្របតាមគោលការណ៍ស្ម័គ្រចិត្ត និង ត្រូវចាក់ជូនឲ្យបានគ្រប់ៗគ្នា រហូតដល់ថ្ងៃទី២៣ ខែកក្កដា ឆ្នាំ២០២១នេះ។   ថ្ងៃនេះជាថ្ងៃទី១ នៃការចាក់វ៉ាក់ជូនជនជាតិបរទេស ក្រុមការងារបានចាក់វ៉ាក់សាំងជូនជនជាតិបរទេសសរុបបានចំនួន ៧៤៥នាក់ ស្រី ២៨៧នាក់។   សូបញ្ជាក់ផងដែរថា តាមសេចក្តីជូនដំណឹងរបស់រដ្ឋបាលខេត្តសៀមរាបស្តីពីការចាក់វ៉ាក់សាំងការពារជំងឺកូវីដ-១៩ ជូនដល់ជនបរទេសក្នុងខេត្តសៀមរាប បានបញ្ជាក់ថា ចំពោះជនបរទេសទាំងអស់ដែល មានបំណងចង់ទៅទទួលការចាក់វ៉ាក់សាំងការពារកូវីដ-១៩ សូមភ្ជាប់ជាមួយនៅឯកសារពាក់ព័ន្ធដែលមានដូចជា ៖ លិខិតឆ្លងដែន ដែលទិដ្ឋាការនៃការស្នាក់នៅក្នុងប្រទេសកម្ពុជា នៅមានសុពលភាព (គិតត្រឹមថ្ងៃទី៣០ខែកក្កដាឆ្នាំ២០២១) ហើយចំពោះជនបរទេស ទាំងឡាយណាដែលមានទិដ្ឋាការនៃការស្នាក់នៅក្នុងប្រទេសកម្ពុជាហួសសុពលភាព ហើយមានបំណងចង់ចាក់វ៉ាក់សាំង គឺត្រូវទៅធ្វើការពន្យាទិដ្ឋាការនៃការស្នាក់នៅក្នុងប្រទេសកម្ពុជា ស្របតាមនីតិវិធីដែលមានជាធរមាន និងលិខិតបញ្ជាក់សុខភាព ឬ វេជ្ជបញ្ជានៃការប្រើប្រាស់ថ្នាំនានា ដែលកំពុប្រើប្រាស់ជារៀងរាល់ថ្ងៃប្រសិនបើមាន។ […]

ព័ត៌មានជាតិ

រដ្ឋស​ភាទទួ​លយកសេចក្តីព្រាងច្បាប់​៣មកពិនិត្យសិក្សានិងបានប​ញ្ចូលសេ​ចក្តីព្រាង​ច្បាប់ចំនួ​ន៤ក្នុងរបៀបវារៈ​សម័យប្រជុំរដ្ឋសភា​នាពេលខា​ងមុខ

សម្តេចអគ្គមហាពញាចក្រី ហេង សំរិន ប្រធានរដ្ឋសភា បានដឹកនាំកិច្ចប្រជុំគណៈកម្មាធិការអិចន្រ្តៃយ៍រដ្ឋសភា នាព្រឹកថ្ងៃទី២១ ខែកក្កដា ឆ្នាំ២០២១នេះ តាមប្រព័ន្ធវីដេអូ ដើម្បីអនុម័តរបៀបវារៈមួយចំនួន។ ជាលទ្ធផលកិច្ចប្រជុំបានសម្រេចទទួលយកសេចក្តីព្រាងច្បាប់ចំនួន៣ដែលស្នើឡើងដោយរាជរដ្ឋាភិបាល ប្រគល់ជូនគណៈកម្មការជំនាញរដ្ឋសភាពិនិត្យសិក្សានិងបានអនុម័តបញ្ចូលសេចក្តីព្រាងច្បាប់ដែលគណៈកម្មការជំនាញរដ្ឋសភាបានពិនិត្យសិក្សារួចហើយចំនួន៤ ទៅក្នុងរបៀបវារៈសម័យប្រជុំរដ្ឋសភាលើកទី៦ នីតិកាលទី៦ ដែលនឹងប្រព្រឹត្តិទៅនាពេលខាងមុខ។ សេចក្តីព្រាងច្បាប់ថ្មីចំនួន៣ ដែលរដ្ឋសភាសម្រេចទទួលយកមកពិនិត្យសិក្សាតាមសំណើរបស់រាជរដ្ឋាភិបាលរួមមាន៖ ១) សេចក្តីព្រាងច្បាប់ស្តីការអនុម័តយល់ព្រមលើពិធីសារធ្វើវិសោធនកម្មកិច្ចព្រមព្រៀងអាស៊ានបូកបីស្តីពីការត្រៀមបម្រុងអង្ករសង្រ្គោះបន្ទាន់ ២) សេចក្តីព្រាងច្បាប់ស្តីពីវិសោធនកម្មមាត្រា១២៣ មាត្រា១៣៨ មាត្រា១៦២ មាត្រា៣០០ មាត្រា៣៤៣ មាត្រា៣៥០ មាត្រា៣៦៣ និងមាត្រា៣៦៧ នៃច្បាប់ស្តីពីការងារ និង ៣) សេចក្តីព្រាងច្បាប់ស្តីពីវិនិយោគនៃព្រះរាជាណាចក្រកម្ពុជា។ ចំណែកសេចក្តីព្រាងច្បាប់ចំនួន៤ ដែលគណៈកម្មការជំនាញរដ្ឋសភាបានពិនិត្យនិងសិក្សារួចរាល់ ត្រូវបានគណៈកម្មាធិការអចិន្រ្តៃយ៍រដ្ឋសភាបានអនុម័តបញ្ចូលក្នុងរបៀបវារៈសម្រាប់សម័យប្រជុំរដ្ឋសភាលើកទី៦នីតិកាលទី៦ នាពេលខាងមុខ។ សេចក្តីព្រាងច្បាប់ទាំងនោះ រួមមាន៖ ១) សេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ ២) សេចក្តីព្រាងច្បាប់ស្តីពី វិសោធនកម្មមាត្រា១៨ថ្មី នៃច្បាប់ស្តីពីវិសោធនកម្មមាត្រា១៨ នៃច្បាប់ស្តីពីសវនកម្មនៃព្រះរាជាណាចក្រកម្ពុជា ៣) សេចក្តីព្រាងច្បាប់ស្តីពីការអនុម័តលើកិច្ចព្រមព្រៀងពាណិជ្ជកម្មសេរី រវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋប្រជាមានិតចិន និង ៤) សេចក្តីព្រាងច្បាប់ស្តីការប្រកួតប្រជែង។ នៅក្នុងកិច្ចប្រជុំគណៈកម្មាធិការអចិន្រ្តៃយ៍នាព្រឹកមិញនេះ ក៍បានអនុម័តជ្រើសតំាង […]

ព័ត៌មានជាតិ

រដ្ឋបាលខេត្តប៉ៃលិន រៀបចំកិច្ចប្រជុំផ្សព្វផ្សាយការចូលកាន់មុខតំណែង និងបំពេញការងារ របស់អភិបាលរង នៃគណៈអភិបាលខេត្តប៉ៃលិនថ្មី

ប៉ៃលិន៖ រសៀលថ្ងៃទី១៩ ខែកក្កដា ឆ្នាំ២០២១ រដ្ឋបាលខេត្តប៉ៃលិន រៀបចំកិច្ចប្រជុំផ្សព្វផ្សាយការចូលកាន់មុខតំណែង និងបំពេញការងារ របស់អភិបាលរង នៃគណៈអភិបាលខេត្តប៉ៃលិនថ្មី ស្ថិតក្រោមអធិបតីភាព ឯកឧត្តម ជា ចាន់ឌិន ប្រធានក្រុមប្រឹក្សាខេត្ត និងលោកជំទាវ បាន ស្រីមុំ អភិបាលខេត្តប៉ៃលិន ដែលកិច្ចប្រជុំនេះ ក៏ មានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត គណៈអភិបាលខេត្ត ថ្នាក់ដឹកនាំ និង មន្រ្តីសាលាខេត្ត ព្រមទាំងអាជ្ញាធរក្រុង/ស្រុកផងដែរ។   រាជរដ្ឋាភិបាល បានសម្រេចផ្ទេរភារកិច្ច លោកស្រី ជា លាភ ពីអភិបាលរង នៃគណៈអភិបាលខេត្តប៉ៃលិនឲ្យមកបម្រើការងារនៅទីស្តីការក្រសួងមហាផ្ទៃ ដែលត្រូវដល់អាណត្តិកាងារ ០៨ឆ្នាំ ស្របតាមច្បាប់ស្តីពីការគ្រប់ គ្រងរដ្ឋបាលរាជធានី ខេត្ត ក្រុង ស្រុក ខណ្ឌ បានកំណត់ និងតែងតាំងលោកស្រី ឡូញ ឈាង ឲ្យកាន់តំណែងជាអភិបាលរងនៃគណៈអភិបាលខេត្តប៉ៃលិនជំនួសលោកស្រី ជា លាភ។ ទន្ទឹមនឹងនោះរាជរដ្ឋាភិបាលក៏បានសម្រេច ផ្ទេរភារកិច្ច លោក […]

ព័ត៌មានជាតិ

អភិបាលខេត្តតាកែវ អញ្ជើញចុះត្រួតពិនិត្យការរៀបចំដាក់លូបង្ហូរទឹក ក្នុងមណ្ឌលចត្តាឡីស័ក សាលាគរុកោសល្យភូមិភាគខេត្តតាកែវ

តាកែវ៖ នៅព្រឹកថ្ងៃអង្គារ ទី២០ ខែកក្ដដា ឆ្នាំ២០២១នេះ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ រួមជាមួយ លោក លោកស្រី អភិបាលរងខេត្ត លោក កង អាណាន់ អភិបាលក្រុងដូនកែវ និងមន្រ្តីជំនាញពាក់ព័ន្ធ បានអញ្ជើញចុះពិនិត្យការរៀបចំ បណ្ដាញលូបង្ហូរទឹក ក្នុងមជ្ឍមណ្ឌលចត្តាឡីស័ក សាលាគរុកោសល្យ ភូមិភាគតាកែវ។ ឯកឧត្តម អ៊ូច ភា អភិបាលខេត្តតាកែវ បានធ្វើការណែនាំដល់ មន្រ្តីជំនាញ និងក្រុមជាង ទាំងអស់ ត្រូវធ្វើការរៀបចំប្រព័ន្ធលូបង្ហូរទឹកនេះ ស្របទៅតាមស្ដង់ដាបច្ចេកទេស ឱ្យបាន ត្រឹមត្រូវ ចៀសវាងការដាក់លូហើយមិនហូរទឹក បណ្ដាលឱ្យមានផលលំបាកទៅថ្ងៃមុខ៕

ព័ត៌មានជាតិ

ឯកឧត្តម អ៊ុំ រាត្រី បានអញ្ជើញពិនិត្យមើលដំណើរការយកសំណាកអាជីវករ និងប្រជាពលរដ្ឋដែលប៉ះពាល់ផ្ទាល់ និងប្រយោលនៅផ្សារ ហ៊ុយ ឡេង ក្នុងសង្កាត់អូរអំបិល ក្រុងសិរីសោភ័ណ

  ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អមដំណើរដោយ លោក ហ៊ឹល រ៉ាយ៉ា អភិបាលក្រុង កងកម្លាំង អញ្ជើញពិនិត្យមើលដំណើរការយកសំណាក បងប្អូនអាជីវករ និងប្រជាពលរដ្ឋដែលប៉ះពាល់ផ្ទាល់ និងប្រយោលនៅផ្សារ ហ៊ុយ ឡេង ក្នុងសង្កាត់អូរអំបិល ក្រុងសិរីសោភ័ណ នារសៀលថ្ងៃទី១៨ ខែកក្កដា ឆ្នាំ២០២១ ។   ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អំពាវនាវសូមបងប្អូនអ្នកមានការពាក់ព័ន្ធ ជាមួយអ្នកមានវិជ្ជមានកូវីដ១៩ នៅផ្សារហ៊ុយ ឡេង មកយកសំណាក់ទាំងអស់គ្នា ដើម្បីចូលរួមទប់ស្កាត់ការរីករាលនៃជំងឺនេះទៅ ក្នុងសហគមន៍។ ឯកឧត្តម បន្តថា ក្រោយពិនិត្យសុខភាពហើយសូមដាក់ខ្លួនឲ្យនៅដាច់ដោយឡែក ចត្តាឡីស័កឲ្យបានត្រឹមត្រូវ១៤ថ្ងៃ និងគោរពតាមវិធានការសុខាភិបាល ៣ការពារ និង៣កុំ៕