ព័ត៌មានជាតិ

រដ្ឋបាលខេត្តមណ្ឌលគិរី ទទួលបានសម្ភារបរិក្ខារពេទ្យចំនួន ១៥០កេស ដែលជាអំណោយរបស់ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី

    មណ្ឌលគិរី៖ នាព្រឹកថ្ងៃទី២៥ ខែកញ្ញា ឆ្នាំ២០២១ រដ្ឋបាលខេត្តមណ្ឌលគិរី បានអញ្ជើញទទួលសម្ភារបរិក្ខារពេទ្យចំនួន ១៥០កេស ដែលជាអំណោយរបស់ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី ប្រធានក្រុមប្រឹក្សាភិបាលនៃសមាគមគ្រូពេទ្យស្ម័គ្រចិត្ត យុវជនសម្តេចតេជោ (TYDA) សម្រាប់ប្រើប្រាស់ក្នុងយុទ្ធនាការទប់ស្កាត់ ការឆ្លងរាលដាលនៃជំងឺកូវីដ-១៩ ពិធីប្រគល់ទទួលសម្ភារនេះ បានធ្វើឡើងនៅសាលាខេត្តមណ្ឌលគិរី ក្រោមវត្តមានលោក សាយ ម៉េងគីម អភីបាលរងខេត្ត តំណាងឯកឧត្តម ស្វាយ សំអ៊ាង អភិបាលខេត្តមណ្ឌលគិរី និងមានការអញ្ជើញចូលរួមពីសំណាក់លោកប្រធានមន្ទីរពេទ្យបង្អែកខេត្ត និងក្រុមការងារសមាគមគ្រូពេទ្យស្ម័គ្រចិត្ត យុវជនសម្តេចតេជោ (TYDA) តំណាងឯកឧត្តមបណ្ឌិត ហ៊ុន ម៉ាណែត និងលោកជំទាវផងដែរ។   លោក សាយ ម៉េងគីម អភិបាលរងខេត្ត បានធ្វើការថ្លែងអំណរគុណយ៉ាងជ្រាលជ្រៅបំផុត ដល់ឯកឧត្តមបណ្ឌិត ហ៊ុន ម៉ាណែត និងលោកជំទាវ ពេជ ចន្ទមុន្នី ដែលបានឧបត្ថម្ភ សម្ភារបរិក្ខារពេទ្យ ដ៏ចាំបាច់ទាំងអស់នេះ សម្រាប់ប្រើប្រាស់ក្នុងយុទ្ធនាការ ទប់ស្កាត់ […]

ព័ត៌មានជាតិ

លោកជំទាវកិត្តិសង្គហបណ្ឌិត ម៉ែន សំអន អញ្ជើញប្រគេនទេយ្យវត្ថុដល់ព្រះសង្ឃគង់នៅវត្តព្រៃឆ្លាក់ (ទីតាំងវត្តកំពុងបិទខ្ទប់) ខេត្តស្វាយរៀង

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាតំណាងរាស្ត្រមណ្ឌលស្វាយរៀង បានអញ្ជើញប្រគេនទេយវត្ថុដល់ព្រះសង្ឃគង់នៅវត្តព្រៃឆ្លាក់ (ទីតាំងវត្តកំពុងបិទខ្ទប់) ស្ថិតនៅក្នុងក្រុងស្វាយរៀង ខេត្តស្វាយរៀង នៅព្រឹក ថ្ងៃសុក្រ ៣រោច ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី២៤ ខែកញ្ញា ឆ្នាំ២០២១ ដេលជាថ្ងៃកាន់បិណ្ឌវេនទី៣ ។ ក្នុងពិធីកាន់បិណ្ឌវេនទី៣នេះ លោកជំទាវក៏បាន បាននាំយកនូវទេយ្យវត្ថុ និងបច្ច័យមួយចំនួន ដើម្បីប្រគេនដល់ព្រះសង្ឃគង់ចាំព្រះវស្សានៅវត្តព្រៃឆ្លាក់ រួមមាន ៖ អង្ករ ២បាវ ត្រី ១កេស មីជាតិ ១០កេស ស្ករស ១បាវ ទឹកដោះគោ ១កេស ទឹកផ្លែឈើ ១០កេស ទឹកសុទ្ធ ១០កេស ប៊ីចេង ៥គីឡូក្រាម ប្រេងឆា ១កេស ទឹកត្រី ៥យួរ ទឹកស៊ីអ៊ីវ ៥យួរ ខ្ទឹមស […]

ព័ត៌មានជាតិ

អភិបាលខេត្តព្រះសីហនុ អញ្ជើញទទួលអំណោយមនុស្សធម៌ពី មន្ត្រីរាជការ និងសប្បុរសជន ដែលបាននាំយកថវិកាឧបត្ថម្ភជូនសាខាកាកបាទក្រហមកម្ពុជាខេត្តព្រះសីហនុ

នៅព្រឹកថ្ងៃសុក្រទី២៤ខែកញ្ញា ឆ្នាំ២០២១ ឯកឧត្តម គួច ចំរើន ប្រធានគណៈកម្មាធិការសាខាកាកបាទក្រហមកម្ពុជាខេត្តព្រះសីហនុ អញ្ជើញទទួលអំណោយមនុស្សធម៌ពី មន្ត្រីរាជការ និងសប្បុរសជន ដែលបាននាំយកថវិកាឧបត្ថម្ភជូនសាខាកាកបាទក្រហមកម្ពុជាខេត្តព្រះសីហនុ ដើម្បីចូលរួមអបអរសាទរខួបទី ១៥៨ ទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ឆ្នាំ២០២១ ក្រោមប្រធានបទ “ទាំងអស់គ្នារួមជាមួយកាកបាទក្រហមកម្ពុជា ប្រយុទ្ធប្រឆាំងនឹងជំងឺកូវីដ-១៩ និងកសាងធនធានរបស់សង្គម”ដើម្បីយកមកប្រើប្រាស់បម្រើសកម្មភាពមនុស្សធម៌ជួយប្រជាពលរដ្ឋរងគ្រោះ ដែលជួបការលំបាកដោយគ្រោះធម្មជាតិ និងគ្រោះមហន្តរាយផ្សេងៗ នៅទីស្នាក់ការសាខាកាកបាទក្រហមកម្ពុជាខេត្ត ស្ថិតនៅសង្កាត់លេខ៣ ក្រុងព្រះសីហនុ ខេត្តព្រះសីហនុ។ អំណោយដែលប្រគល់ជូនសាខាកាកបាទក្រហមកម្ពុជាខេត្តមានដូចជា៖ ១.លោកឧត្តមសេនីយ៍ អ៊ុំ សំអុល ស្នងការរងនគរបាលខេត្តព្រះសីហនុ ឧបត្ថម្ភថវិកាចំនួន ៥.០០០ដុល្លាអាមេរិក ២.អនុសាខាកាកបាទក្រហមស្រុកព្រៃនប់ ឧបត្ថម្ភថវិកាចំនួន ២០.០០០.០០០រៀល ៣. អនុសាខាកាកបាទក្រហមក្រុងកោះរ៉ុង ឧបត្ថម្ភថវិកាចំនួន ១៣.២៩០.០០០រៀល និង ៤.២០០ ដុល្លាអាមេរិក ៤.ក្រុមហ៊ុន CAMBODIAN ENERGY LIMITED ឧបត្ថម្ភអង្ករ ៧,០០០ គីឡូក្រាម និងមីម៉ាម៉ា ៦០កេសតូច។ ឯកឧត្ដម ប្រធានគណ:កម្មាធិការសាខាកាកបាទក្រហមកម្ពុជាខេត្តព្រះសីហនុ មានប្រសាសន៍ថ្លែងអំណរគុណចំពោះលោកឧត្តមសេនីយ៍ […]

ព័ត៌មានជាតិ

អាជ្ញាធរខេត្តកោះកុង បើកកិច្ចប្រជុំពិនិត្យលើសំណើសុំចុះបញ្ជីដីធ្លី និងចុះពិ​និត្យទីតាំងដី ដែលប្រជាពលរដ្ឋស្នើសុំចុះបញ្ជីធ្វើបណ្ណសម្គាល់សិទ្ធិកាន់កាប់អចលនវត្ថុនៃដីមានទីតាំងស្ថិតនៅភូមិ អូរជ្រៅ ឃុំបឹងព្រាវ ស្រុកស្រែអំបិល

  ថ្ងៃអង្គារទី២១ ខែកញ្ញា ឆ្នាំ២០២១ លោក សុខ សុទ្ធី អភិបាលរង នៃគណៈអភិបាលខេត្តកោះកុង ដោយមានការអនុញ្ញាត និងណែនាំពីលោកជំទាវ មិថុនា ភូថង អភិបាលនៃគណៈអភិបាលខេត្តកោះកុង បានដឹកនាំកិច្ចប្រជុំពិនិត្យលើសំណើសុំចុះបញ្ជីដីធ្លី និងបានចុះពិ​និត្យទីតាំងដី ដែលប្រជាពលរដ្ឋឈ្មោះ ហេង សំអាត បានដាក់ពាក្យស្នើសុំចុះបញ្ជីធ្វើបណ្ណសម្គាល់សិទ្ធិកាន់កាប់អចលនវត្ថុនៃដីមានទីតាំងស្ថិតនៅភូមិ អូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង។ តាមរយៈកិច្ចប្រជុំ និងការចុះពិនិត្យទីតាំងដីនេះ លោក សុខ សុទ្ធី អភិបាលរងខេត្តកោះកុង បានណែនាំឱ្យមន្ត្រីជំនាញភូមិបាលស្រុកស្រែអំបិល ចុចនិយាមកាទីតាំងដី រួចដំឡើងផែនទីបង្ហាញទីតាំងដីឱ្យបានច្បាស់លាស់ ដើម្បីក្រុមការងារពិនិត្យ និងបន្តនីតិវិធី៕

ព័ត៌មានជាតិ

រដ្ឋបាលខេត្តពោធិ៍សាត់ ៖ ឯកអគ្គរដ្ឋទូតសហរដ្ឋអាមេរិក ប្រចាំនៅប្រទេសកម្ពុជា ចាប់អារម្មណ៍ខ្ពស់ពីសក្តានុពលខេត្តពោធិ៍សាត់ ដែលបានទទួលការវិនិយោគដ៏ធំទៅលើការផ្គុំ និងតម្លើងរថយន្ត

(ពោធិ៍សាត់)៖ ឯកឧត្តម Patrick Murphy ឯកអគ្គរដ្ឋទូតសហរដ្ឋអាមេរិក ប្រចាំនៅប្រទេសកម្ពុជា បានថ្លែងថា រូបគាត់ពិតជាមានមោទនភាព និងមានការចាប់អារម្មណ៍ខ្ពស់ អំពីសក្តានុពលរបស់ខេត្តពោធិ៍សាត់ ដែលបានទទួលនូវការវិនិយោគដ៏ធំ ទៅលើការផ្គុំ និងតម្លើងរថយន្ត (ផលិត ចែកចាយ លក់ និងសេវាកម្ម) របស់ក្រុមហ៊ុនផលិតរថយន្ត Ford។ ការបង្ហាញអារម្មណ៍ខ្ពស់បែបនេះ របស់ឯកឧត្តម Patrick Murphy បានធ្វើឡើងក្នុងឱកាសដែលឯកឧត្តម បានដឹកនាំគណៈប្រតិភូ ចុះមកសិក្សាស្វែងយល់ និងពិភាក្សាការងារមួយចំនួន ជុំវិញសក្តានុពលដែលមាននៅក្នុងខេត្ត និងលទ្ធភាពក្នុងការពង្រឹងកិច្ចសហប្រតិបត្តិការ រវាងរដ្ឋបាលខេត្ត ជាមួយនឹងស្ថានទូតសហរដ្ឋអាមេរិក នារសៀលថ្ងៃទី២១ ខែកញ្ញា ឆ្នាំ២០២១នេះ។ កិច្ចជំនួបនេះ ត្រូវបានធ្វើឡើងនៅវេទិកាដោះស្រាយក្តី ក្នុងសាលាខេត្តពោធិ៍សាត់ ដោយបានការទទួលស្វាគមន៍យ៉ាងកក់ក្តៅពីសំណាក់ឯកឧត្តម ម៉ក់ រ៉ា ប្រធានក្រុមប្រឹក្សាខេត្ត, ឯកឧត្តម ម៉ៅ ធនិន អភិបាលនៃគណៈអភិបាលខេត្ត និងដោយបានការចូលរួមពីលោក លោកស្រីអភិបាលរងខេត្ត លោកនាយករដ្ឋបាលសាលាខេត្ត ថ្នាក់ដឹកនាំមន្ទីរអង្គភាពនានាជុំវិញខេត្ត លោកឧត្តមសេនីយ៍ទោស្នងការនគរបាលខេត្ត និងមេបញ្ជាការកងរាជអាវុធហត្ថខេត្ត សរុបប្រមាណ២២រូប។ នាកាសនោះដែរ ឯកឧត្តមឯកអគ្គរដ្ឋទូតអាមេរិក បានថ្លែងថា […]

ព័ត៌មានជាតិ

សូមអនុមោទនា ពិធីបុណ្យកាន់បិណ្ឌ វេនទី១

ថ្ងៃពុធ ១រោច ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២២ ខែកញ្ញា ឆ្នាំ២០២១។ ក្នុងឱកាសនេះ សូមបងប្អូនប្រជាពលរដ្ឋបន្តអនុវត្តវិធានការ ៣កុំ ៣ការពារ ឲ្យបានខ្ជាប់ខ្ជួន និងសូមកុំជួបជុំមនុស្សច្រើន ជំនួសមកជួបជុំនិងជជែកគ្នាតាមរយៈអនឡាញវិញ ដើម្បីរួមចំណែកកាត់បន្ថយការឆ្លងជំងឺកូវីដ-១៩។ រាល់ការធ្វើដំណើរសូមកុំប្រើប្រាស់មធ្យោបាយសាធារណៈផ្ទុកមនុស្សច្រើន និងពេលធ្វើដំណើរត្រូវពាក់ម៉ាស់ជានិច្ច រក្សាគម្លាតសុវត្ថិភាព បាញ់អាល់កុល និងលាងដៃដោយសាប៊ូ បើកកញ្ចក់រថយន្តឲ្យមានខ្យល់ចេញចូល ចៀសវាងប្រើម៉ាស៊ីនត្រជាក់ច្រើនពេក និងបើកបរត្រូវគោររពច្បាប់៕

ព័ត៌មានជាតិ

អភិបាលខេត្តបន្ទាយមានជ័យ អញ្ជើញបើកយុទ្ធនាការចាក់វ៉ាក់សាំងបង្ការជំងឺកូវីដ១៩ ជូនកុមារអាយុ ៦ឆ្នាំ ដល់ ១២ឆ្នាំ

  នៅមណ្ឌលសុខភាពភ្នំតូច ឃុំភ្នំតូច ស្រុកមង្គលបូរី នាថ្ងៃទី១៨ ខែកញ្ញា ឆ្នាំ២០២១ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានអញ្ជើញប្រកាសបើកយុទ្ធនាការថ្មីមួយទៀត គឺការចាក់វ៉ាក់សាំងបង្ការជំងឺកូវីដ១៩ ជូនដល់កុមារអាយុចាប់ពី ៦ឆ្នាំ ដល់ ១២ឆ្នាំ ដែលត្រូវបានគេចាត់ទុកជាយុទ្ធនាការប្រកបដោយការទទួលខុសត្រូវខ្ពស់ ក្នុងការការពារអាយុជីវិតកុមារពីជំងឺកាចសាហាវកូវីដ-១៩ និងការបើកអោយដំណើរ ការសាលារៀនឡើងវិញ។ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ មានប្រសាសន៍លើកឡើងថា៖ សម្តេចតេជោ ហ៊ុន សែន នាយករដ្ឋមន្ត្រី បានយកចិត្តទុក្ខដាក់ខ្ពស់ចំពោះការចាក់វ៉ាក់សាំងបង្ការជម្ងឺកូវីដ-១៩ ជូនដល់ ប្រជាពលរដ្ឋ រួមទាំងកុមារផងដែរ ដើម្បីឱ្យសិស្សានុសិស្សបានចូលរៀន ដោយគ្មានការភ័យខ្លាច ព្រោះ កន្លងមករាជរដ្ឋាភិបាលកម្ពុជា បានបើកយុទ្ធនាការចាក់វ៉ាក់សាំង ដល់យុវវ័យ ចាប់ពីអាយុ ១២ឆ្នាំ ដល់ ក្រោម១៨ឆ្នាំ ហើយពេលនេះ បន្តចាក់វ៉ាក់សាំងដល់កុមារ ចន្លោះក្នុងរង្វង់ពី៦ឆ្នាំ ទៅ១២ឆ្នាំ ដែលតម្រូវសម្រាប់សិស្សបឋមសិក្សា អនុវិទ្យាល័យ និងវិទ្យាល័យ ហើយកំពុងត្រៀមសម្រាប់កុមារនៅមត្តេយ្យសិក្សាក្នុងរង្វង់អាយុ៣ឆ្នាំ ទៅ៦ឆ្នាំវិញ ដែលនេះចាត់ទុកជាជំហានបន្ទាប់មួយទៀត។ ឯកឧត្តមអភិបាលខេត្ត […]

ព័ត៌មានជាតិ

រដ្ឋបាលខេត្តពោធិ៍សាត់ ៖ ទំនាស់៧ករណី ត្រូវបានដោះស្រាយបញ្ចប់, ប្រជាពលរដ្ឋក្នុងខេត្តពោធិ៍សាត់ សាទរចំពោះដំណោះស្រាយដ៏យុត្តិធម៌ ក្រៅប្រព័ន្ធតុលារបស់ឯកឧត្តម ម៉ៅ ធនិន 

(ពោធិ៍សាត់)៖ ទំនាស់ចំនួន៧ករណីផ្សេងគ្នា របស់ប្រជាពលរដ្ឋក្នុងខេត្តពោធិ៍សាត់ ដែលដោះស្រាយមិនចេញ ហើយរត់មកពឹងពាក់ឯកឧត្តមអភិបាលនៃគណៈអភិបាលខេត្ត ដើម្បីធ្វើការសម្របសម្រួល និងដោះស្រាយជាលក្ខណៈគ្រួសារនោះ ត្រូវបានដោះស្រាយបញ្ចប់ជាស្ថាបពរ, ពួកគេបានសាទរយ៉ាងខ្លាំងចំពោះវត្តមានឯកឧត្តម ម៉ៅ ធនិន បានមកដឹកនាំក្នុងខេត្ត និងបានផ្តល់ភាពកក់ក្តៅដល់ពួកគេ ឱ្យរស់នៅដោយគ្មានភាពភ័យក្លាច ក្រោមម្លប់នៃសុខសន្តិភាពរបស់សម្តេចតេជោ។   កិច្ចសម្របសម្រួលនេះ ត្រូវបានធ្វើឡើងនាថ្ងៃទី១៥ ខែកញ្ញា ឆ្នាំ២០២១នេះ នៅវេទិកាដោះស្រាយក្តីក្នុងសាលាខេត្ត ដោយបានការអញ្ជើញចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត លោកប្រធានការិយាល័យប្រជាពលរដ្ឋខេត្ត លោកអភិបាលនៃគណៈអភិបាលក្រុងស្រុក និងភាគីដែលមានការពាក់ព័ន្ធផ្សេងទៀត។   ទំនាស់ទាំង៧ករណីផ្សេងគ្នានោះរួមមាន៖ «ទំនាស់ស្នើសុំបែងចែកទ្រព្យសម្បត្តិ, ទំនាស់ដីធ្លី, ទំនាស់បោកប្រាក់ទិញដីស្រែ ថែមទាំងយកផ្ទះទៀត, ទំនាស់បោះបង្គោលរំលោភយកដី, ទំនាស់ប្រគល់ប្រាក់គ្រប់ចំនួន តែមិនព្រមប្រគល់ដី, ទំនាស់យល់ព្រមលក់ដី តែក្រលះមិនព្រមលក់វិញ និងករណីផ្សេងៗមួយចំនួនទៀត»។   ឆ្លងកាត់ការសម្របសម្រួល និងដោះស្រាយចាប់ពីម៉ោង ៩ និង០០នាទីព្រឹក រហូតដល់ម៉ោង ២ និង០០នាទីរសៀល បងប្អូនពុកម៉ែប្រជាពលរដ្ឋ ដែលជាភាគីទំនាស់ និងសាក្សីនៅទីនោះ បានសម្តែងនូវការសប្បាយរីករាយ និងទទួលយកទាំងអស់គ្នា «ដោយគ្មានអ្នកចាញ់ គឺឈ្នះទាំងអស់គ្នា» […]

ព័ត៌មានជាតិ

ព័ត៌មានជាតិ សម្តេចតេជោហ៊ុន សែននិងរដ្ឋមន្ត្រីការបរ​ទេស​ចិនអញ្ជើញជា​អ​ធិបតីក្នុង​​ពិ​ធីចុះហត្ថលេ​ខាលើ​ឯកសារចំ​នួន០៦

នៅល្ងាច ថ្ងៃអាទិត្យ ៦កើត ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី១២ ខែកញ្ញា ឆ្នាំ២០២១ ដដែលនេះ បន្ទាប់ពី ពិធីប្រគល់-ទទួល ពហុកីឡដ្ឋានជាតិមរតកតេជោ រួចមក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង ឯកឧត្តម វ៉ាង យី ទីប្រឹក្សារដ្ឋ និងជារដ្ឋមន្ត្រីការបរទេស នៃសាធារណរដ្ឋប្រជាមានិតចិន បានអញ្ជើញជាអធិបតី ក្នុងពិធីចុះហត្ថលេខារវាងកម្ពុជា-ចិន នៅវិមានសន្តិភាព លើឯកសារចំនួន០៦រួមមាន៖ ទី១៖ លិខិតប្រគល់-ទទួល សម្ភារមនុស្សធម៌ក្នុងវិស័យបោសសម្អាតមីន ដោយ ឯកឧត្ដម ទេសរដ្ឋមន្ត្រី លី ធុជ និង ឯកឧត្ដម វ៉ាង វិនធៀន (WANG Wentian) ឯកអគ្គរដ្ឋទូតចិនប្រចាំកម្ពុជា។ ទី២៖ កិច្ចព្រមព្រៀងសហប្រតិបត្តិការស្តីអំពីការគាំទ្រមន្ទីរពេទ្យដៃគូរ រវាងគណៈកម្មាធិការសុខាភិបាលជាតិ នៃសាធារណរដ្ឋប្រជាមានិតចិន និងក្រសួងសុខាភិបាល នៃព្រះរាជាណាចក្រកម្ពុជា ដោយ ឯកឧត្ដម […]

ព័ត៌មានជាតិ

សម្តេចតេ​ជោ​ហ៊ុន សែ​​នអញ្ជើញជួបពិភា​ក្សាកា​រងារមួយរដ្ឋមន្រ្តីការ​ប​រទេ​សចិន

ក្រោយពីបានបានអញ្ជើញជាអធិបតីក្នុងពិធីប្រគល់-ទទួលពហុកីឡដ្ឋានជាតិមរតកតេជោ នារសៀលថ្ងៃទី១២ ខែកញ្ញា ឆ្នាំ២០២១ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និង ឯកឧត្តម វ៉ាង យី ទីប្រឹក្សារដ្ឋ និងជារដ្ឋមន្រ្តីក្រសួងការបរទេសចិន បានអញ្ជើញជួបសំដែងការគួរសម និងពិភាក្សាការងារនៅវិមានសន្តិភាព។ លទ្ធផលនៃជំនួបនោះ សម្តេចតេជោ និង ឯកឧត្តម វ៉ាង យី បានធ្វើសន្និសីទសាព័ត៌មានរួមគ្នាក្រោយពិធីចុះហត្ថលេខា។ សម្តេចតេជោ ហ៊ុន សែន បានប្រកាសថា រដ្ឋាភិបាលចិនបានសម្រេចផ្តល់ជំនួយវ៉ាក់សាំងប្រមាណ៣លានដូសថែមទៀត ដល់ប្រទេសកម្ពុជា ដើម្បីទុកសម្រាប់ចាក់ដូសទី៣ ជូនប្រជាពលរដ្ឋដោយមិនគិតថ្លៃ។ សម្តេចតេជោបានមានប្រសាសន៍ថា វ៉ាក់សាំងសម្រាប់ចាក់ដូសទី៣នេះ បានមកដល់ចំនួន២លានដូសហើយ ហើយនឹងមកដល់៣លានដូសទៀត ដែលមានចំនួនសរុប៥លានដូស ហើយបូកថែមនឹងជំនួយរបស់មិត្តចិនថ្មីនេះចំនួន៣លានដូសទៀត និងការចាក់កន្លងមកជិត១លានដូស យើងនឹងមាន៩លានដូស។ បើយើងត្រូវការចាក់១២លានដូសទៀត យើងត្រូវការតែ៣លានដូសទៀតប៉ុណ្ណោះ។ ជាមួយនឹងការផ្តល់ជំនួយយ៉ាងច្រើនសន្ធឹកសន្ធាប់ ដល់ការអភិវឌ្ឍប្រទេសកម្ពុជា ចិនបានក្លាយជាប្រទេសបង្អែក ក្នុងការផ្គត់ផ្គង់វ៉ាក់សាំងដល់ប្រទេសកម្ពុជា។ មកដល់ពេលនេះ ប្រទេសកម្ពុជាទទួលបានវ៉ាក់សាំងបង្ការការពារមេរោគកូវីដ-១៩ ពីរដ្ឋាភិបាលនៃសាធារណរដ្ឋប្រជាមានិតចិន និងប្រជាជនចិនចំនួន ២៦.៨ លានដូសហើយ។ ជាមួយនេះផងដែរ ឯកឧត្តម វ៉ាង យី […]