ព័ត៌មានជាតិ

សមត្ថកិច្ចបានបញ្ជូនមន្ត្រីយោធាម្នាក់ដែលបុកបារ៉ាស់និងវាយសមត្ថកិច្ចពេលកំពុងអនុវត្តច្បាប់នៃការ”បិទខ្ទប់”

ភ្នំពេញ៖សមត្ថកិច្ចបានបញ្ជូនមន្ត្រីយោធាម្នាក់ដែលបុកបារ៉ាស់និងវាយសមត្ថកិច្ចពេលកំពុងអនុវត្តច្បាប់នៃការ”បិទខ្ទប់”ទៅតុលាការនាព្រឹកថ្ងៃទី២១ ខែមេសា ឆ្នាំ២០២១នេះ។ សមត្ថកិច្ចបានឱ្យដឹងថា៖មន្ត្រីយោធាម្នាក់ឈ្មោះ ខៀវ ចាន់សុភ័ក្ត្រា ដែលបើកម៉ូតូបុកបារ៉ាស់ និង វាយសមត្ថកិច្ច ខណៈកំពុងអនុវត្តច្បាប់ នៃការ «បិទខ្ទប់» ត្រូវបានសមត្ថកិច្ចបញ្ជូនទៅតុលាការ នាព្រឹកថ្ងៃទី២១ខែមេសាឆ្នាំ២០២១នេះ។ហេតុការណ៍នៃអំពើហិង្សានេះកើតឡើងកាលពីថ្ងៃទី២០ ខែមេសា ឆ្នាំ២០២១ នៅគោលដៅរង្វង់មូលតាព្រហ្ម ខណ្ឌជ្រោយចង្វា ។   ទោះបីយ៉ាងណា ក្រោយមានហេតុការណ៍ នេះ មានឯកសារមួយចំនួន បញ្ជាក់ថា ឈ្មោះ ខៀវ ចាន់សុភ័ក្ត្រា ជាមនុស្សមានបញ្ហាខួរក្បាល ព្រោះធ្លាប់គ្រោះថ្នាក់ចរាចរណ៍ស្លាប់សមាជិកគ្រួសារ និង កូន។ក្រោយមានហេតុការណ៍ដ៏រន្ធត់នេះ ប្រពន្ធក៏កើតជំងឺផ្លូវចិត្ត រហូតបានលែងលះគ្នាទៀត ។ នៅពេលនេះមជ្ឈដ្ឋានជាច្រើនកំពុងរង់ចាំមើលថាតើតុលាការនឹងសម្រេចយ៉ាងដូចម្តេចចំពោះសំណុំរឿងនេះ ?  

ព័ត៌មានជាតិ

សម្រេចបិទមូលដ្ឋានផ្សារដេប៉ូជាបណ្តោះអាសន្នក្នុងសង្កាត់ផ្សារដេប៉ូទី១

ភ្នំពេញ៖ អាជ្ញាធរខណ្ឌទួលគោកបាន ចេញសេចក្តីជូនដំណឹង ស្តីពីដំណើរការផ្អាកជាបណ្តោះអាសន្ន មូលដ្ឋានផ្សារស្ថិតក្នុងសង្កាត់ផ្សារដេប៉ូទី១ខណ្ឌទួលគោករាជធានីភ្នំពេញ។ ក្នុងសេចក្តីជូនដំណឹងនោះបានបញ្ជាក់ថា៖រដ្ឋបាលខណ្ឌទួលគោកសូមជូនដំណឹងដល់ប្រជាពលរដ្ឋនិងសាធារណជនពិសេសអាជីវករទាំងអស់អាស្រ័យដោយស្ថានភាពនៃការរីករាលដាលជំងឺកូវិដ-១៩ក្នុងរយៈពេលប៉ុន្មានថ្ងៃចុងក្រោយនេះមានអាជីវករនិងប្រជាពលរដ្ឋបានឆ្លងវិរុសកូវីដ-១៩ក្នុងព្រឹត្តិការណ៍សហគមន៍២០កុម្ភៈឆ្នាំ២០២១។ដែលស្ថានភាពនេះបានឆ្លងរាលដាលយ៉ាងឆាប់រហ័ស គួរឱ្យព្រួយបារម្ភ និងចាំបាច់ត្រូវមានវិធានការ សុខាភិបាល ដើម្បីទប់ស្កាត់ជាបន្ទាន់។ ចំពោះមុខ រដ្ឋបាលខណ្ឌទួលគោក សូមផ្អាកដំណើរការជាបណ្តោះអាសន្ននូវមូលដ្ឋានផ្សារដេប៉ូ សម្រាប់ រយៈពេល១៤ថ្ងៃ ចាប់ពីថ្ងៃទី២១ ខែមេសា ឆ្នាំ២០២១ រហូតដល់ថ្ងៃទី៥ ខែឧសភា ឆ្នាំ២០២១ ដើម្បីបង្ការនិងទប់ស្កាត់ការឆ្លងរាលដាលវីរុសកូវីដ-១៩ទៅដល់អាជីវករអតិថិជនក៏ដូចជាប្រជាពលរដ្ឋ ដែលចេញចូល ក្នុងទីតាំងផ្សារខាងលើ។ ទន្ទឹមនឹងនេះ រដ្ឋបាលខណ្ឌទួលគោក សូមអំពាវនាវដល់អាជីវករ សន្តិសុខ បុគ្គលិក កម្មករ បម្រើការងារក្នុងផ្សារនិងក្រុមគ្រួសារអាជីវករពាក់ព័ន្ធព្រមទាំងប្រជាពលរដ្ឋដែលបានចេញចូលផ្សារខាងលើគិតចាប់ពីថ្ងៃទី៧ខែមេសាឆ្នាំ២០២១ដល់ថ្ងៃទី១៤ខែមេសាឆ្នាំ២០២១។ជាមួយនេះបើមានអាការៈក្តៅខ្លួនក្អកពិបាកដកដង្ហើមហើយមានការសង្ស័យថាឆ្លងវីរុសកូវីដ-១៩សូមអញ្ជើញមកយកសំណាកតេស្តរកមេរោគកូវីដ-១៩ជាបន្ទាន់នៅបរិវេណទីរួមផ្សារដេប៉ូស្ថិតក្នុងសង្កាត់ផ្សារដេប៉ូទី១ព្រមទាំងអនុវត្តន៍វិធានការចត្តាឡីស័ក ស្របតាមការណែនាំរបស់ក្រសួងសុខាភិបាលឱ្យបានត្រឹមត្រូវបំផុត។ រដ្ឋបាលខណ្ឌទួលគោកសង្ឃឹមជឿជាក់ថា៖ប្រជាពលរដ្ឋពិសេសអាជីវករទាំងអស់ដែលកំពុងប្រកបអាជីវកម្មក្នុងមូលដ្ឋានផ្សារដេប៉ូមានការយោគយល់និងចូលរួមអនុវត្តន៍សេចក្តីជូនដំណឹងនេះឱ្យមានប្រសិទ្ធភាព៕

ព័ត៌មានជាតិ

ថ្នាក់ដឹកនាំខេត្តបន្ទាយមានជ័យ អញ្ជើញចុះពិនិត្យស្ថានភាពភូមិសាស្ត្រ នៅខ្សែបន្ទាត់ព្រំដែនកម្ពុជា-ថៃ ក្នុងទឹកដីក្រុងប៉ោយប៉ែត

នៅថ្ងៃទី២០ ខែមេសា ឆ្នាំ២០២១នេះ ឯកឧត្តម ខេង ស៊ុម ប្រធានក្រុមប្រឹក្សាខេត្តនិង ឯកឧត្តម អ៊ុំ រាត្រី អភិបាលខេត្តបន្ទាយមានជ័យ អញ្ជើញចុះពិនិត្យស្ថានភាពភូមិសាស្ត្រ នៅខ្សែបន្ទាត់ព្រំដែនកម្ពុជា-ថៃ ក្នុងទឹកដីក្រុងប៉ោយប៉ែត ដោយមានការចូលរួមពីមេបញ្ជាការ-មេបញ្ជាការរងអាវុធហត្ថខេត្ត កងពលថ្មើជើងលេខ៥១ យោធាខេត្ត ស្នងការរងនគរបាលខេត្ត អាជ្ញាធរក្រុងប៉ោយប៉ែត និងកម្លាំងវរព្រំដែនឈរជើងនៅទីតាំងនោះ វរការពារព្រំដែនគោក ៨៩១ និង៩១១។   ក្នុងឱកាសនោះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ ក្នុងនាមគណៈបញ្ជាការឯកភាពខេត្ត បានដាក់ បទបញ្ជាបន្ថែមដល់កម្លាំងចម្រុះមាននគរបាលការពារព្រំដែន អាវុធហត្ថ យោធា ទាំងអស់ ត្រូវពង្រឹងការទប់ស្កាត់ការឆ្លងដែនខុសច្បាប់ក្នុងដំណាក់កាលនៃការរីករាលដាលជំងឺកូវីដ១៩ ឲ្យបានតឹងរឹង ធានាការពារការរីករាលដាលនៃជំងឺកូវីដ១៩។   ឯកឧត្តមអភិបាលខេត្ត ក៏បានណែនាំដល់កងកម្លាំងទាំងអស់ត្រូវ បង្កើនការប្រុងប្រយ័ត្នឲ្យបានខ្ពស់បំផុតក្នុងការការពារ និងទប់ស្កាត់ឲ្យខានតែបាននូវរោគរាតត្បាត នៃជំងឺកូវីដ-១៩នេះ ហើយចូលរួមធ្វើអនាម័យឲ្យបានគ្រប់ៗគ្នា ត្រូវចូលរួមអនុវត្តឲ្យបាន៣ការពារ និង៣កុំ តាមអនុសាសន៍របស់ប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ ក៏ដូចជាក្រសួងសុខាភិបាលបានដាក់ចេញ ក្នុងនោះមាន […]

ព័ត៌មានជាតិ

អភិបាលខេត្តរតនគិរី ដឹកនាំកម្លាំងចុះល្បាត ភូមិសាស្ត្រខេត្ត ដើម្បីត្រួតពិនិត្យការអនុវត្តបទបញ្ជារបស់រាជរដ្ឋាភិបាលកម្ពុជា ក្នុងការបិទធ្វើដំណើរឆ្លងពីខេត្តមួយទៅខេត្តមួយ 

កាលពីយប់ថ្ងៃទី១៩ ខែមេសា ឆ្នាំ២០២១ ឯកឧត្តម ថង សាវុន អភិបាលនៃគណៈអភិបាលខេត្តរតនគិរី បានដឹកនាំកម្លាំងចុះល្បាត ភូមិសាស្ត្រខេត្ត ដើម្បីត្រួតពិនិត្យការអនុវត្តបទបញ្ជារបស់រាជរដ្ឋាភិបាលកម្ពុជា ក្នុងការបិទធ្វើដំណើរឆ្លងពីខេត្តមួយទៅខេត្តមួយ ដើម្បីទប់ស្កាត់ការចម្លងមេរោគកូវីដ-១៩ នៅកម្ពុជា នៅចំណុចគល់ស្ពានស្រែពក ព្រំប្រទល់ខេត្តរតនគិរី និងខេត្តស្ទឹងត្រែង។   នាឱកាសនេះដែរ ឯកឧត្តមបានចូលសួរសុខទុក្ខបងប្អូនកងកម្លាំងកំពុងយាមល្បាតអ្នកកំពុងធ្វើចត្តាឡីស័កនៅវិទ្យាល័យត្រពាំងក្រហម ស្រុកកូនមុំ និងពិនិត្យកម្លាំងល្បាតត្រួតពិនិត្យការអនុវត្តបំរាមគោចរក្នុងភូមិសាស្ត្រក្រុងបានលុង៕

ព័ត៌មានជាតិ

អ្នក​ឆ្លង​កូ​វីដ​១៩​លើ​លោក​កើន​ដល់​ជិត​១៤២​លាន ៦៨​ម៉ឺន​នាក់ស្លាប់ជាង៣លាននាក់​

អន្តរជាតិ៖តាម​ទិន្នន័យ​ពី​គេហទំព័រ​អន្តរជាតិ Worldomete បង្ហាញថា៖ គិត​ត្រឹម​ម៉ោង ៨​ព្រឹក​ថ្ងៃ​អង្គារ ទី​២០ ខែមេសា ឆ្នាំ​២០២១​នេះ ចំនួន​អ្នក​ឆ្លង​ជំងឺកូវីដ១៩នៅ​ទូទាំង​ពិភពលោកបាន​កើន​ឡើងដល់ ១៤២.៦៨៧.៦៧៧​នាក់​ហើយ​។ ក្នុងនោះ​អ្នកស្លាប់​មាន​ចំនួន​៣.០៤២.៨៣២​នាក់ និង​ជាសះស្បើយ​ឡើងវិញ ១២១.១៨៩.២៩០​នាក់​។​ គេហទំព័រ​ដដែល​បាន​បង្ហាញថា៖ ការរីក​រាលដាល​នៃ​ជំងឺ​កូ​វីដ​១៩ នៅតែមាន​សភាព​ស្រួចស្រាវ​ចំនួន​អ្នក​ឆ្លង និង​ស្លាប់​ថ្មី​នៅតែមាន​ចំនួន​ច្រើន​។​ ក្នុងនោះសហរដ្ឋអាមេរិក នៅតែ​ជា​ប្រទេស​មាន​ចំនួន​អ្នក​ឆ្លងនិងស្លាប់ដោយសារជំងឺកូវីដ១៩ច្រើនជាងគេមានអ្នកឆ្លងជំងឺកូវីដ១៩ចំនួន៣២.៤៧២.៦៤១​នាក់ ស្លាប់​ចំនួន ៥៨១.៥៤០​នាក់ និង​ជាសះស្បើយ​ចំនួន ២៥.០៤០.២៧៧​នាក់​។​ ​ដោយឡែក​ប្រទេស​ដែល​ឈរ​នៅ​ចំណាត់ថ្នាក់​ទី​២ នៃ​តារាង​ស្ថិតិ​នៃ​អ្នក​ឆ្លង​ជំងឺ​កូ​វីដ​១៩​គឺ​ប្រទេស​ឥណ្ឌា​ ​មាន​អ្នក​ឆ្លង ១៥.៣១៤.៧១៤​នាក់ ស្លាប់​ចំនួន ១៨០.៥៥០​នាក់ និង​ជាសះស្បើយ ១៣.១០៣.២២០​នាក់​ និងប្រទេស​ឈរ​នៅ​ចំណាត់ថ្នាក់​ទី​៣ គឺ​ប្រទេស​ប្រេ​ស៊ី​ល​ មាន​អ្នក​ឆ្លង ១៣.៩៧៧.៧១៣​នាក់ ស្លាប់ ៣៧៥.០៤៩​នាក់ និង​ជាសះស្បើយ ១២.៤៦០.៧១២​នាក់​៕

ព័ត៌មានជាតិ

រដ្ឋមន្ត្រីក្រសួងព័ត៌មានប្រាប់ម្ចាស់ស្ថានីយ,ប្រព័ន្ធផ្សព្វផ្សាយទាំងអស់ត្រូវផ្អាកផ្សាយគ្រឿងស្រវឹង

ភ្នំពេញ៖លោករដ្ឋមន្ត្រីក្រសួងព័ត៌មានបាន ជម្រាបលោក, លោកស្រី,លោកឧកញ៉ា ម្ចាស់ស្ថានីយវិទ្យុ ទូរទស្សន៍គ្រប់ប្រព័ន្ធនិងម្ចាស់ប្រព័ន្ធផ្សព្វផ្សាយតាមអនឡាញទាំងអស់។កម្មវត្ថុការផ្សព្វផ្សាយគ្រឿងស្រវឹងនៅក្នុងអំឡុងពេលអនុវត្តសេចក្តីសម្រេចនៃរាជរដ្ឋាភិបាលស្ដីពីការបិទខ្ទប់ភូមិសាស្ត្ររាជធានីភ្នំពេញនិងក្រុងតាខ្មៅនៃខេត្តកណ្ដាលដើម្បីទប់ស្កាត់ការរាលដាល នៃជំងឺឆ្លងកូវីដ-១៩។ តាមកម្មវត្ថុ និងយោងខាងលើ ខ្ញុំសូមជម្រាបជូន លោកឧកញ៉ា លោក លោកស្រីម្ចាស់ស្ថានីយវិទ្យុ ទូរទស្សន៍គ្រប់ប្រព័ន្ធនិងម្ចាស់ប្រព័ន្ធផ្សព្វផ្សាយតាមអនឡាញទាំងអស់ជ្រាបថា៖អនុវត្តតាមអនុសាសន៍ដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រីស្តីពីការផ្អាកលក់គ្រឿងស្រវឹងនៅទូទាំងប្រទេសក្នុងអំឡុងពេលបិទខ្ទប់ភូមិសាស្ត្ររាជធានីភ្នំពេញនិងក្រុងតាខ្មៅនៃខេត្តកណ្ដាលចាប់ពីថ្ងៃទី១៤ដល់ថ្ងៃទី២៨ខែមេសាឆ្នាំ២០២១ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ នៅក្នុងព្រឹត្តិការណ៍ សហគមន៍២០កុម្ភៈឆ្នាំ២០២១។ ក្នុងគោលបំណងការពារអាយុជីវិតរបស់ប្រជាពលរដ្ឋសុខភាពសាធារណៈនិងរក្សាបាននូវសណ្តាប់ធ្នាប់សាធារណៈទប់ស្កាត់ការឆ្លងរាលដាលនៃជំងឺកូវីដ-១៩ឈានទៅបញ្ចប់ព្រឹត្តិការណ៍ថ្ងៃទី២០កុម្ភៈឆ្នាំ២០២១នៅក្នុងពេលឆាប់ៗខាងមុខនេះ។ក្រសួងព័ត៌មានសូមធ្វើការណែនាំឱ្យម្ចាស់ស្ថានីយវិទ្យុទូរទស្សន៍គ្រប់ប្រព័ន្ធនិងប្រព័ន្ធផ្សព្វផ្សាយតាមអនឡាញទាំងអស់ផ្អាកការផ្សព្វផ្សាយគ្រឿងស្រវឹងគ្រប់ប្រភេទចាប់ពីថ្ងៃជូនដំណឹងនេះរហូតដល់ថ្ងៃទី៣០ខែមេសាឆ្នាំ២០២១។ អាស្រ័យដូចបានជម្រាបជូនខាងលើសូមលោកឧកញ៉ាលោក,លោកសី្រសហការអនុវត្តសេចក្ដីសម្រេចនេះឱ្យមានប្រសិទ្ធភាពចាប់ពីថ្ងៃជូនដំណឹងនេះតទៅ៕

ព័ត៌មានជាតិ

ចាប់មនុស្ស៩នាក់និងសម្ភារពាក់ព័ន្ធករណីបើកលេងហ្គេមបាញ់ត្រី

ភ្នំពេញ៖កម្លាំងនគរបាលប៉ុស្តិ៍ទួលសង្កែទី១ចុះចាប់ជនល្មើសបានចំនួន៩នាក់ជាមួយសម្ភារពាក់ព័ន្ធករណីបើកលេងហ្គេមស៊ីសងប្រភេទបាញ់ត្រី។ករណីបង្រ្កាបនេះធ្វើឡើងនៅផ្លូវ២៧៣ត្រង់ផ្លូវរថភ្លើងសង្កាត់ទួលសង្កែរទី១ខណ្ឌឬស្សីកែវកាលពីយប់ថ្ងៃទី១៨ខែមេសាឆ្នាំ២០២១។   មន្ត្រីនគរបាលបានឱ្យដឹងថា៖ដោយមានបទបញ្ជាពីអភិបាលគឺក្នុងរាជធានីភ្នំពេញហាមមិនឱ្យមានបើកល្បែងស៊ីសងគ្រប់ប្រភេទនិងហាមមិនឱ្យមានការប្រមូលផ្តុំនិងជួបជុំគ្នាផ្សេងៗទៀត។តែទីតាំងហ្គេមបាញ់ត្រីមួយកន្លែងនេះនៅតែបន្តបើកលេងដោយមិនខ្លាចក្រែងទើបសមត្ថកិច្ចចុះបង្រ្កាបតែម្តង។ មន្ត្រីដដែលបានបន្តថា៖ក្នុងការចុះបង្រ្កាបនេះចាប់បានមនុស្ស៩នាក់ទូហ្គេម២គ្រឿងនិងម៉ូតូស្មាស់រ៉េវ៉ូ១គ្រឿងនិងសម្ភារមួយចំនួនដឹកយកទៅប៉ុស្តិ៍នគបាលទួលសង្កែរទី១ដើម្បីសួរនាំនឹងបញ្ជូនទៅតុលាការចាត់ការតាមនីតិវិធី៕

ព័ត៌មានជាតិ

ចាប់ផ្សឹកចៅអធិការវត្តពីរអង្គក្រោយបំពានបម្រាមគោចរនិងរកឃើញបទល្មើសរួមវត្ថុតាង

កំពង់ស្ពឺ៖អាជ្ញាធរស្រុកបសេដ្ឋនិងមន្ទីរធម្មការខេត្តកំពង់ស្ពឺសម្រេចចាប់ផ្សឹកព្រះសង្ឃពីរអង្គនៅថ្ងៃទី១៧ខែមេសាឆ្នាំ២០២១ខណៈសមត្ថកិច្ចរកឃើញវត្ថុតាងបទល្មើសមួយចំនួនទៀតក្រោយបំពានបម្រាមគោចរ។ លោកឈឺនសុធនរដ្ឋបាលស្រុកបសេដ្ឋបានឱ្យដឹងថា៖កាលពីរំលងអធ្រាត្រចូលថ្ងៃទី១៧ខែមេសាឆ្នាំ២០២១គណៈបញ្ជាការឯកភាពរដ្ឋបាលស្រុកបានចុះពង្រឹងអនុវត្តសេចក្តីសម្រេចរបស់រាជរដ្ឋាភិបាលលេខ៤៤សសរចុះថ្ងៃទី៦ខែមេសាឆ្នាំ២០២១ស្តីពីការហាមឃាត់ការធ្វើដំណើរនិងការបិទរមណីយដ្ឋានទេសចរណ៍ទូទាំងប្រទេសជាបណ្ដោះអាសន្នដើម្បីទប់ស្កាត់ការរីករាលដាលជំងឺកូវីដ-១៩ក្នុងភូមិសាស្ត្រស្រុកបសេដ្ឋខេត្តកំពង់ស្ពឺ។ សេចក្តីសម្រេចលេខ០៤៦/២១សសរចុះថ្ងៃទី១៥ខែមេសាឆ្នាំ២០២១របស់រដ្ឋបាលខេត្តកំពង់ស្ពឺស្តីពីការបន្តអនុវត្តវិធានការរដ្ឋបាលជាបណ្តោះអាសន្នដើម្បីទប់ស្កាត់ការរីករាលដាលជំងឺកូវីដ-១៩នៅក្នុងភូមិសាស្រ្តខេត្តកំពង់ស្ពឺបានឃាត់រថយន្ត២គ្រឿងរបស់ព្រះសង្ឃដែលបើកបរនៅម្តុំស្ពានអង្គដែកកណ្តាលស្ថិតនៅភូមិអង្គដែកកណ្តាលឃុំពោធិ៍ម្រាលស្រុកបសេដ្ឋរួចបញ្ជូនទៅអធិការដ្ឋានដើម្បីសួរនាំ។   លោកបានបន្តថា៖ ព្រះសង្ឃទាំង២អង្គដែលនិមន្តធ្វើដំណើរបំពានបម្រាមគោចរមានព្រះនាម ព្រះតេជគុណ នួន ចិន្តា ព្រះជន្ម ៣៩ព្រវស្សា ជាចៅអធិការវត្ត មុន្នីសោភ័ណ្ឌ ស្ថិតនៅ ឃុំពោធិ៍ម្រាល ស្រុកបសេដ្ឋខេត្តកំពង់ស្ពឺនិងព្រះតេជគុណជឹងម៉េងហៀកព្រះជន្ម៣៥ព្រះវស្សាជាចៅអធិការវត្តសែនឧត្តម (បឹងសាឡាំ)ស្ថិតនៅ ឃុំពោធិ៍ម្រាល ស្រុកបសេដ្ឋ ខេត្តកំពង់ស្ពឺ។ ក្រោយសាកសួរព្រះសង្ឃជាចៅអធិការវត្តទាំងពីររួចហើយកម្លាំងនគរបាលស្រុកបានឆែកឆេររកឃើញតេឡេបញ្ជាមេអាប៉ោងមួយ មេអាប៉ោងចំនួន ៤គ្រាប់ នៅជាប់ខ្លួន ចានអាប៉ោងមួយនិងស្រាបៀរ ៥កំប៉ុងនៅក្នុងរថយន្ត។ ក្រៅពីនោះសមត្ថកិច្ចបានរកឃើញខោអាវចំនួន១០គូនិងឯកសណ្ឋានមន្ត្រីនគរបាលមួយឈុតដែលមានឈ្មោះជាវរសេនីយ៍ត្រី នួន ចិន្តា កម្មសិទ្ធិព្រះចៅអធិការវត្តមុន្នីសោភ័ណ្ឌ ស្ថិតនៅឃុំពោធិ៍ម្រាលស្រុកបសេដ្ឋខេត្តកំពង់ស្ពឺ។សម្លៀកបំពាក់ទាំងអស់សម្រាប់ស្លៀកក្លែងភេទនៅពេលដែលនិមន្តទៅឆ្ងាយ និងប្រព្រឹត្តសកម្មភាពផ្សេងៗ។ ក្រោយរកឃើញវត្ថុតាងទាំងអស់ខាងលើគណៈបញ្ជាការឯកភាពរួមជាមួយមន្ទីរធម្មការនិងព្រះលេខាមេគុណខេត្តបានសម្រេចផ្សឹកទៅតាមពុទ្ធសាសនា និងបន្តតាមនីតិវិធី៕

ព័ត៌មានជាតិ

បន្តហាមឃាត់ការធ្វើដំណើរនិងបិទរមណីយដ្ឋានទេសចរណ៍នៅទូទាំងប្រទេសជាបណ្ដោះ​អាសន្នដើ​ម្បីទប់ស្កាត់កា​រឆ្លងរា​លដាលនៃជំ​ងឺកូវីដ-១៩

សម្តេចហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជានៅម៉ោង១០និង៥៣នាទីយប់ ថ្ងៃទី១៧ខែមេសា ឆ្នាំ២០២១បានបង្ហោះលើfacebookផ្លូវការសម្តេចករណីសេចក្តីសម្រេចស្តីពីការបន្តហាមឃាត់ការធ្វើដំណើរនិងបិទរមណីយដ្ឋានទេសចរណ៍នៅទូទាំងប្រទេសជាបណ្ដោះអាសន្នដើម្បីទប់ស្កាត់ការឆ្លងរាលដាលនៃជំងឺកូវីដ-១៩។បើតាមសម្តេចហ៊ុនសែនត្រូវបន្តអនុវត្តការហាមឃាត់ការធ្វើដំណើរនិងការបិទរមណីយដ្ឋានទេសចរណ៍នៅទូទាំងប្រទេសជា បណ្ដោះអាសន្នដើម្បីប្រយុទ្ធនិងទប់ស្កាត់ការឆ្លងរាលដាលនៃជំងឺកូវីដ-១៩ ដែលត្រូវបានសម្រេចដោយសេចក្ដី សម្រេចលេខ ៤៤ សសរ ចុះថ្ងៃទី៦ ខែមេសា ឆ្នាំ២០២១ របស់រាជរដ្ឋាភិបាល សម្រាប់រយៈពេល៨ថ្ងៃបន្តទៀតរហូតដល់ថ្ងៃទី២៨ ខែមេសា ឆ្នាំ២០២១។ បទប្បញ្ញត្តិផ្សេងទៀតនៃសេចក្តីសម្រេចលេខ៤៤ សសរ ចុះថ្ងៃទី៦ ខែមេសា ឆ្នាំ២០២១ ស្ដីពី ការហាមឃាត់ការធ្វើដំណើរ និងការបិទរមណីយដ្ឋានទេសចរណ៍នៅទូទាំងប្រទេសជាបណ្តោះអាសន្នដើម្បី ទប់ស្កាត់ការឆ្លងរាលដាលនៃជំងឺកូវីដ-១៩ របស់រាជរដ្ឋាភិបាលត្រូវមានអានុភាពអនុវត្តបន្តរហូតដល់មាន បទប្បញ្ញត្តិថ្មីមកជំនួស។បទប្បញ្ញត្តិទាំងឡាយណាដែលផ្ទុយនឹងសេចក្ដីសម្រេចនេះ ត្រូវទុកជានិរាករណ៍។ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ រដ្ឋមន្ត្រីក្រសួងមហាផ្ទៃ រដ្ឋមន្ត្រីក្រសួងការពារជាតិ រដ្ឋមន្ត្រីក្រសួងសុខាភិបាល រដ្ឋមន្ត្រីគ្រប់ក្រសួង និងប្រធានគ្រប់ស្ថាប័នពាក់ព័ន្ធ ត្រូវទទួលបន្ទុកអនុវត្តសេចក្តីសម្រេចនេះ តាមភារកិច្ចរៀងៗខ្លួន ចាប់ពីថ្ងៃចុះហត្ថលេខាតទៅ៕

ព័ត៌មានជាតិ

ឯកឧត្តម ម៉ែន វិបុល អភិបាលខេត្តស្វាយរៀង អញ្ជើញចុះពិនិត្យការ​ងាររៀបចំសម្អាតអាគារសម្រាប់ដាក់អ្នកចត្តាឡីស័កក្រោយព្យាបាលជាសះស្បើយពីជំងឺកូវីដ-១៩

នាព្រឹកថ្ងៃសៅរ៍ទី១៧ ខែមេសា ឆ្នាំ២០២១នេះ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង និងជាប្រធានគណៈកម្មការប្រយុទ្ធប្រឆាំងនឹងជំងឺកូវីដ-១៩ខេត្ត បានអញ្ជើញចុះពិនិត្យ និងដឹកនាំកងកម្លាំង អាជ្ញាធរដែនដី និងមន្ត្រីសុខាភិបាល​រៀបចំសម្អាតអាគារសម្រាប់ដាក់អ្នកចត្តាឡីស័កក្រោយព្យាបាលជាសះស្បើយពីជំងឺកូវីដ១៩ ស្ថិតក្នុងទីតាំងអាគារស្នាក់នៅរបស់ក្រុមហ៊ុនកាស៊ីណូបាវិតម៉ុកបាយ​ (អាគារB)ដែលមានកម្ពស់៨ជាន់ស្មើនិង៨០ បន្ទប់ នៅសង្កាត់បាវិត ក្រុងបាវិត។   អញ្ជើញចូលរួមអមដំណើរឯកឧត្ដមអភិបាលខេត្តរួមមាន ឯកឧត្តមអភិបាលរងខេត្ត លោកស្នងការនគរបាលខេត្ត លោកមេបញ្ជាការកងរាជអាវុធហត្ថខេត្ត លោកប្រធានមន្ទីរសារធារណការ និងដឹកជញ្ជូនខេត្ត លោកអនុប្រធានមន្ទីរសុខាភិបាល នៃរដ្ឋបាលខេត្ត លោកអភិបាលក្រុងបាវិត រួមទាំងមន្ត្រីសុខាភិបាល និងអាជ្ញាធរដែនដីពាក់ព័ន្ធមួយចំនួនទៀត។   ឯកឧត្តមអភិបាលខេត្តក្នុងនាមរដ្ឋបាលខេត្តស្វាយរៀងបានថ្លែងនូវអំណរគុណ ចំពោះកងកម្លាំង អាជ្ញាធរដែនដី ម្ចាស់ទីតាំងអាគារ និងបុគ្គលិកសុខាភិបាលទាំងអស់ដែលបានរួមសហការគ្នារៀបចំសម្អាតអាគារបន្ថែមមួយទៀត ដោយអាគារថ្មីនេះសម្រាប់ដាក់តែអ្នកចត្តាឡីស័កក្រោយព្យាបាលជាសះស្បើយពីជំងឺកូវីដ១៩ តែប៉ុណ្ណោះ​ ស្របតាមគោលការណ៍ព្យាបាលរបស់ក្រសួងសុខាភិបាល។​   ទន្ទឹមនេះ​ ឯកឧត្តមក៏បានថ្លែងនូវអំណរគុណ និងកោតសរសើរចំពោះបុគ្គលិកសុខាភិបាល​ និងក្រុមគ្រូពេទ្យទាំងអស់នៅទូទាំងខេត្តស្វាយរៀងទាំងមូល​ ដោយគ្រូពេទ្យជួរមុខ គឺជាកងទ័ពអាវស ដែលមិនត្រឹមតែបានចូលរួមក្នុងការប្រយុទ្ធប្រឆាំង​នឹងជំងឺកូវីដ-១៩ ប៉ុណ្ណោះទេ ប៉ុន្តែថែមទាំងបានចូលរួមចំណែកយ៉ាងសកម្មលះបង់ពេលវេលាទាំងពេលយប់ និងពេលថ្ងៃដោយមិនខ្លាចនឿយហត់ក្នុងការព្យាបាលអ្នកជំងឺកូវីដ-១៩ ដោយយកចិត្តទុកដាក់បំផុត។   សូមជម្រាបជូនថា​ ក្រោមការយកចិត្តទុកដាក់របស់គណៈកម្មការប្រយុទ្ធប្រឆាំងនឹងជំងឺកូវីដ-១៩ខេត្ត ដែលមានឯកឧត្តមអភិបាលខេត្តជាប្រធាន […]